કુંવરી ચડી રે કમાડ, સુંદર વરને નીરખવા રે,
દાદા મોરા એ વર પરણાવ, એ વર છે વેવારિયો રે.
ગગી મોરી ક્યાં તમે દીઠાં, ને ક્યાં તમારા મન મોહ્યા રે,
રમતો’તો બહોળી બજાર, દડૂલે મારા મન મોહ્યા રે.
કુંવરી ચડી રે કમાડ, સુંદર વરને નીરખવા રે,
વીરા મોરા એ વર જોશે, એ વર છે વેવારિયો રે.
બેની મારી ક્યાં તમે દીઠાં, ને ક્યાં તમારા મન મોહ્યા રે,
ભણતો’તો ભટની નિશાળે, અક્ષરે મારા મન મોહ્યા રે.
કુંવરી ચડી રે કમાડ, સુંદર વરને નીરખવા રે,
કાકા મોરા એ વર જોજો, એ વર છે વેવારિયો રે.
ભત્રીજી મોરી ક્યાં તમે દીઠાં, ને ક્યાં તમારાં મન મોહ્યા રે,
જમતો’તો સોનાને થાળે, કોળિયે મારા મન મોહ્યા રે.
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં