Gujaratilexicon

વરરાજે સીમડી ઘેરી માણારાજ (જાનમાં ગવાતું ગીત)

November 09 2019
Gujaratilexicon

મોર તારી સોનાની ચાંચ, મોર તારી રૂપાની પાંખ,

સોનાની ચાંચે રે મોરલો મોતી ચરવા જાય.

મોર જાજે ઊગમણે દેશ, મોર જાજે આથમણે દેશ,

વળતો જાજે વેવાયુને માંડવે હો રાજ.

વેવાઈ મારા સૂતો છે કે જાગ, વેવાઈ મારા સૂતો છે કે જાગ,

(વરનું નામ) વરરાજે સીમડી ઘેરી માણારાજ.

સીમડીએ કાંઈ ચમર ઢોળાવ, સીમડીએ કાંઈ ચમર ઢોળાવ,

ચમરનો હોંશી વીરો મારો આવ્યો માણારાજ.

વેવાઈ મારા સૂતો હોય તો જાગ, વેવાઈ મારા સૂતો હોય તો જાગ,

(વરનું નામ) વરરાજે ઝાંપલા ઘેર્યા માણારાજ.

ઝાંપે કાંઈ છાંટણાં છંટાવ, ઝાંપે કાંઈ પાણીડાં છંટાવ,

ઠંડકુંનો હોંશી વીરો મારો આવે માણારાજ.

વેવાઈ મારા સૂતો હોય તો જાગ, વેવાઈ મારા સૂતો હોય તો જાગ,

(વરનું નામ) વરરાજે શેરીયું ઘેરી માણારાજ.

શેરીએ કાંઈ ફૂલડાં પથરાવ, શેરીએ કાંઈ ફૂલડાં પથરાવ,

સુગંધીનો હોંશી વીરો મારો આવે માણારાજ.

વેવાઈ મારા સૂતો હોય તો જાગ, વેવાઈ મારા સૂતો હોય તો જાગ,

(વરનું નામ) વરરાજે માંડવો ઘેર્યો માણારાજ.

માંડવડે કાંઈ લાડકી પધરાવ, માંડવડે કાંઈ લાડકી પધરાવ,

લાડકીનો હોંશી વીરો મારો આવે માણારાજ.

ગોત્રીજે કાંઈ રમતું મંડાવ, ગોત્રીજે કાંઈ રમતું મંડાવ,

રમતુંનો હોંશી વીરો મારો આવે માણારાજ.

Most Popular

Interactive Games

General Knowledge Quiz

સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Jumble Fumble

કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Latest Ebook

Recent Blog

,

જુલાઈ , 2024

મંગળવાર

23

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

GL Projects