થિયેટરમાં ચકીબેન
February 20 2020
Written By
Rahul Viramgamiya
રવિવારનો દિવસ હતો ચકલીએ કર્યો વિચાર !
‘થિયેટર’માં જઈને આજે ચકલીઓ બેઠી ચાર.
દાણા-બાણા લીધાં નહીં ને લઈ લીધા ‘પૉપકોન’ !
થિયેટરની ખુરશીએ બેસી એણે પિક્ચર જોયું ‘ડૉન’.
‘ચીં..ચીં..’ ભુલીને એ તો ડાયલૉગ કેવા બોલે ?
પિક્ચરના એ ગીતો ગાતી થનગન થનગન ડોલે !
પિક્ચર જોઈ એક ચકલી થઈ ગઈ ગાંડીતુર !
માળાનુ ભુલીને સરનામુ એ તો ઉડી ગઈ દૂર .
ચકાભાઈ તો સૌને પૂછતાં, ”જોઈ મારી ચકી ?”
રસ્તે રસ્તે જઈને એતો શોધતાં મલકી મલકી !
ચાંદામામા આવ્યા તો’ય ચકી ન આવી ઘરે !
ચકાભાઈની આંખોથી હવે રીમઝીમ આંસુ સરે.
થોડીવારમાં ચકીબેનને તો આવ્યું સાચું ભાન.
ઉડતા ઉડતા એમને દેખાણું થિયેટરનું મકાન !
ચકાભાઈ ચકીને શોધતા થિયેટર આવી બેઠાં.
ત્યાંજ એમને રડતા ભોળા ચકીબેન દીઠાં !
ચકાભાઈ તો ચકીને જોઈ હરખે કેવા મળ્યા.
ચકીબેન ચકાને જોઈ તો હરખે રોઈ પડ્યા !
બન્ને એકબીજાને જોઈ થઈ ગયા ખૂબ રાજી !
બન્ને એ સાથે બેસી જોઈ ફિલ્મ ‘સોગઠાબાજી’
More from Rahul Viramgamiya



More Kavita



Interactive Games

Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Quick Quiz
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.