ક્યાં ગયા ?
February 19 2015
Written By
dhruv Upendra
ઊગશે સુખનો દિવસ એ વાતવાળા કયાં ગયાં ?
સપનું આંખોમાં સજાવી રાતવાળા કયાં ગયાં ?
પાટું પડતાને પડે છે, જોઇ લો ઇતિહાસમાં
પીઠ ખુલ્લી મેં ધરી છે લાતવાળા કયાં ગયાં ?
છે ભવોભવની તરસ ખાબોચિયાંથી શું વળે ?
ક્યાં ગયા, બોલાવ દરિયા સાતવાળા કયાં ગયાં ?
જિંદગી રંગીન હો તો શ્વેત ખાપણ પરવડે ?
ઓઢણીમાં મેઘધનુષી ભાતવાળા કયાં ગયાં ?
આભ સમ લઇ પેટ બચપણ ભીખ માગે રોડ પર,
ભૂખ પૂછે આજ સૌ ખેરાતવાળા કયાં ગયાં ?
(વિપુલ પરમાર)
More from dhruv Upendra



More Kavita



Interactive Games

Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ