ગુજરાતી કવિતા
December 31 2015
Written By
Hitendra Vasudev
જ્યારે મળીએ, જે દિ' મળીએ ત્યારે તે દિ' નવું વરસ
મતલબ કે કો' મનથી મળવા ધારે તે દિ' નવું વરસ
ખાસ્સા ત્રણસો પાંસઠ દિ'નો વાર્ષિક ગાળો ધરા ઉપર
હું તો માનું : ક્ષણ જ્યારે પડકારે તે દિ' નવું વરસ
ચહેરા પર રંગોળી, રોમેરોમે દીપક ઝળાહળા
માણસ-માણસ રોશન બનશે જ્યારે તે દિ' નવું વરસ
આળસ, જઈને પેસી ગઈ હોય સૂરજના પણ સ્વભાવમાં
એવી આળસ કવિતા સામે હારે તે દિ' નવું વરસ
દરિયો કેવળ નિજમસ્તીનો જોખમકારક બની શકે
તરવૈયાઓ એકબીજાને તારે તે દિ' નવું વરસ
ઈશ્વરનું આપેલું હૈયું ફળિયું શાને બને નહિં ?
આ જ પ્રશ્ન પર લોકો સ્હેજ વિચારે તે દિ' નવું વરસ
સૌમિષા
More from Hitendra Vasudev



More Kavita



Interactive Games

General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.