દોસ્ત – મરીઝ
September 14 2015
Written By
Gurjar Upendra
એ રીતે સાથે દે છે સદા એક ક્ષણના દોસ્ત,
પગલાં બની ગયાં છે તમારા ચરણનાં દોસ્ત.
ઊભરો રહે ન દિલમાં ન બદનામીઓનો ડર,
શોધું છું ભેદ કહેવાને નબળાં સ્મરણના દોસ્ત.
એના લીધે નિભાવી લીધી કંઈક દોસ્તી,
બાકી અમે અહીં હતા બસ એક જણના દોસ્ત.
હિંમતની એ ઊણપ હો કે કિસ્મતની વાત હો,
ખાબોચિયામાં તર મેં દીઠા છે ઝરણનાં દોસ્ત.
એનું થવાનું એ જ કે પટકાશે આમતેમ,
દરિયાનાં મોજેમોજાં થયાં છે તરણનાં દોસ્ત.
તારા લીધે ખુવાર થયો છું જહાનમાં,
ઢાંકણ એ ભેદનાં છે બૂરા આચરણના દોસ્ત.
ઓ દોસ્ત, કોઈ દોસ્તનો એમાં નથી કસૂર,
વાતાવરણ બનાવે છે વાતાવરણના દોસ્ત.
જઈને વતનમાં એટલું જોયું અમે ‘મરીઝ’,
મોટા બની ગયા છે બધા બાળપણના દોસ્ત.
(‘મૈત્રીનો સૂર્ય’ પુસ્તકમાંથી)
More from Gurjar Upendra



More Kavita



Interactive Games

General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.