ધ્યાન કદી દેજો
September 10 2015
Written By
Gurjar Upendra
ફૂટપાથે સૂતેલા ભૂખ્યા કોઈ બાળકની આંખો પર
ધ્યાન કદી દેજો
છાતીના મૂળ સુધી એની એ ભૂખ પછી તમને
ના વાગે તો કહેજો
ફૂટપાથે સૂતેલા ભૂખ્યા કોઈ બાળકની આંખો પર
ધ્યાન કદી દેજો
ઈંટ અને સિમેન્ટે ભીંતો બંધાય એમ લાગણીઓ
થોડી બંધાય છે
ભીંતેથી પોપડા ખરે ને એમ રોજ અહીં માણસ પણ
જર્જરિત થાય છે
ડામરના રસ્તા પર કાળીધબ ઈચ્છા ના એકલા
નિસાસા ના લેજો
ફૂટપાથે સૂતેલા ભૂખ્યા કોઈ બાળકની આંખો પર
ધ્યાન કદી દેજો
સૂરજ ડૂબે ને પછી ટળવળતી સાંજ રોજ ટોળે વળી
ને મૂંઝાય છે
અહીં નાનકડા રોટાલાનો ટુકડો પણા માણસની આંખોનું
સપનું થઈ જાય છે
કાચ સમી જિંદગીને સાચવતા માણસના આંસુની
ધાર કદી સહેજો
છાતીના મૂળ સુધી એની તરસ પછી તમને
ના વાગે તો કહેજો
– તેજસ દવે
More from Gurjar Upendra



More Kavita



Interactive Games

Ukhana
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં

Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.

Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.