“માં એકવાર”
November 27 2019
Written By
Modern Bhatt
. *મા એકવાર.*
. 🌹🌹🌹
માઁ મને એકવાર દુનિયા જોવા તો દે…
માઁ સાંભળ્યું છે મેં કે કાલે પ્રાણ લેવાશે મારા…
એક વાર દુનિયા જોવા તો દે….
માઁ મને એકવાર દુનિયા જોવા તો દે…
રમવું છે મારે ખોળે તારા ને પપ્પા નો પામવો છે સ્નેહ..
બનાવવા છે મિત્રો ને રમવું છે સાથેય એમની…
રમત શુ કહેવાય એ જોવા તો દે…
માઁ મને એક વાર દુનિયા જોવા તો દે….
હું પણ છું અંગ તારું ભાઈની જેમજ…..
કાલે લેતા પ્રાણ મારો તુજ જીવ કેમ ચાલશે….
એકવાર અંતર હચમચાવી તો લે…..
માઁ મને એકવાર દુનિયા જોવા તો દે….
હું પણ કરીશ નામ ઉજાગર તમારું…
હું પણ ઉભી રહીશ પડખે તમારી….
ક્યારેય આંચ ના આવવા દઈશ તમ સન્માન પર….
એકવાર મુજ પર વિશ્વાસ રાખી તો લે….
માઁ મને એકવાર દુનિયા જોવા તો દે…..
માઁ જોવું છે મારે બાળપણ મારું ને મારેય મુકવો છે પગ યુવાની ને આંગણે….
રોળશો ના શમણાં મારા તમ કૂખ માં….
મારેય રંગો જોવા છે અનુપમ આ વિશ્વ ના..
એકવાર જન્મ ધરી શ્વાસ દુનિયા માં લેવાતો દે….
માઁ મને એકવાર દુનિયા જોવા તો દે……
શું વેર હશે મારુ એ વૈદડા સાથે જે લેશે પ્રાણ મુજ આવતી પ્રભાતે…
લેવો હતો જન્મ મારે… , લેવા હતા શ્વાસ ખુલી હવા માં..
કોઈ તો હવા ને મહેસુસ કરવાનો મોકો તો દો….
માઁ બસ આ વખતે દુનિયા જોઈ લેવા તો દે…..
માઁ છો તું જનની મારી તને તો હશે પ્રેમ મુજ પર…???
એકવાર પપ્પા ને સમજાવી તો લે….
મનહર સ્મિત મારું મોહી લેશે મન તમારું
એકવાર મુખડું… મારું નિહાળી તો લે….
માઁ મને એક….વાર… દુનિયા માં આવવા તો દે…..
માઁ મને એકવાર દુનિયા જોવા તો દે…….
*હેતલબા વાઘેલા,”આકાંક્ષા”*
More from Modern Bhatt



More Kavita



Interactive Games

Ukhana
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં

General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.