મારી આંખોમાં પણ આજે …..
August 19 2015
Written By
Gurjar Upendra
રોજ હવે આ આંસુ પી ને સ્મરણ ઉગ્યા છે લીલા
મારી આંખોમાં પણ આજે ,
તેમ છતાં આ છાતી મારી બળબળબળતી જાય
કહો એ કોને કારણ દાઝે ?
રોજ હવે …..
આંગણ સુના , સુની મેડી , સુના ગામના પાદર
ઉભો કેમ રહ્યો છું રણમાં !
પ્રથમ પૂછ્યું મેં મનેજ તો મેં જાણ્યું કે કંઈ
બીજું નથી છે ખાલીપો કારણમાં
ખાલીખમ રસ્તાની ધારે ઉભાં છે આ ઝાડ
છતાંયે કોઈ નથી નો ડૂમો બાઝે
રોજ હવે આ આંસુ પી ને સ્મરણ ઉગ્યા છે લીલા
મારી આંખોમાં પણ આજે …..
સમી સાંજના ટાણે થાતો ઝાલરનો રણકાર
હવે ત્યાં સુના મંદિર ગાતા
ઉડે હવામાં ધૂળની ડમરી ગોધણ સાથોસાથ
નથી એ દૃશ્ય હવે દેખાતા
કોઈ સાંપની જેમજ ડંખે વીત્યો એ ભૂતકાળ
મને મારામાં શાને કાજે ?
રોજ હવે આ આંસુ પી ને સ્મરણ ઉગ્યા છે લીલા
મારી આંખોમાં પણ આજે …….
– તેજસ દવે ..
More from Gurjar Upendra



More Kavita



Interactive Games

Word Search
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.