હું નારી છું
January 13 2015
Written By
Deval Talati
હું નારી છું,આકાશે રમતાં વાદળની,
રૂપેરી તેજ કિનારી છું…….હું નારી…..
માં બાપના આંગણ માં પૂજાતી,
તુલસી કેરી ક્યારી છું……હું નારી…
હું પત્ની છું,હું માતા છું,હું બહેન છું,હું બેટી છું,
કૈક રહસ્યો છુપાય એવી તાળાં વાળી પેટી છું.
જો ઝાંકવું હોય મનની ભીતર,
તો ત્વરિત ખુલતી બારી છું……હું નારી…..
હું ચંચલ છું કો હરણી શી, ખળખળ વહેતી કો ઝરણી શી,
ગમે તેટલા પત્થર ફેંકો,ચૂપચાપ સહુ હું ધરણી શી.
સુર મેળવો તો મીઠા સૂરે,
ઝંકૃત થતી સિતારી છું……હું નારી…..
કોમળ છું મૃણાલ દંડ સમી,મેઘધનુ ના સાતે રંગ સમી,
રીઝું તો વરસું ઝરમર ને ખીજું તો બારે ય ખંગ સમી.
જો છંછેડે કોઈ મુજને તો,
સો મરદોને ભારી છું…..હું નારી…..
સમર્પણ છે મુજ રગરગ માં,વિશ્વાસ છલોછલ હર ડગ માં,
સદાય જલતો રહે તે કાજે,પ્રેમ પૂરું હું દીપ શગમાં
મળવા સાગરને તલતલ તલસે એ,
નિર્મળ ગંગા વારિ છું……હું નારી…..
More from Deval Talati



More Kavita



Interactive Games

Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Ukhana
બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં

Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.