કહો હું કોણ છું ? – ઉખાણા
July 27 2015
Written By
Gurjar Upendra
બે માથાં અને બે પગ,
જાણે એને આખું જગ,
જે કોઈ આવે એની વચમાં,
કપાઈ જાય એની કચકચમાં
કાતર
•]
એક પ્રાણી એવું,
જે વન-વગડામાં રહેતું,
મોટા-મોટા કાન,
ને શરીર છે સુંવાળું
સસલું
•]
નાનું મોટું મળે ને
પાણીમાં એ તરે,
સૌ સવારી કરે,
તેને કયું વાહન કહે?
હોડી-નાવડી
•]
વડ જેવાં પાન,
ને શેરડી જેવી પેરી,
મોગરા જેવાં ફૂલ ને
આંબા જેવી કેરી.
આકડો
•]
હવા કરતાં હળવો હું,
રંગે બહુ રૂપાળો,
થોડું ખાઉં ને ધરાઈ જાઉં,
વધુ ખાઉં તો ફાટી જાઉં.
ફુગ્ગો
•]
એની અછત ઝટ વરતાય
એનાં વગર સૌ પરસેવે ન્હાય
એને પામવા વિકલ્પો શોધાય
એના વગર લગીરે ના જીવાય
હવા
•]
હું સૂર્યમંડળનો એક સભ્ય,
સૌથી સુંદર લાગું છું,
પીળાશ પડતો રંગ મારો
મારી ફરતે બર્ફીલા વલયો
શનિ ગ્રહ
•]
ઘરમાં મહેમાનોને દેવાય
વોટમાં નેતાઓને દેવાય
આરામ કરવામાં વપરાય
ખુરશી
•]
નામ બારણા સંગે આવે
હવાઉજાસ ઘરમાં લાવે
ઋતુઓ સામે રક્ષણ આપે
કોઈને તેના વિના ના ફાવે
– બારી
•]
એ પૈસા, દરદાગીના રક્ષે
કપડાં સારાં સૌ તથા મૂકે
તાળું મારી સુખથી સૂએ
લોકો ઘરમાં અચૂક વસાવે
– તિજોરી
•]
ચાર પાયા પર ઉપર આડી છત
કરો તેના ઉપર બસ લખ લખ લખ
– ટેબલ
•]
ટન ટન બસ નાદ કરે
ઘડિયાળ જોઈ સાદ કરે
સ્કૂલ નિશાળે એ લટકે
રણકે તો બાળકો છટકે
– ઘંટ
•]
ચારે બાજુ વૃક્ષોથી ઘેરાયો
પથરાયું મુજ પર ઘાસ
પશુ પક્ષીનું ઘર હું છું
મને ઓળખો હું કોણ છું?
– જંગલ
•]
ઈંટ ઉપર ઈંટ રાખી,
બને એક દિવાલ આપે
સૌને છાંયો સુખી રહે સૌ અપાર.
•]
1] દાદા છે પણ દાદી નથી,
ભાઈ છે પણ ભાભી નથી
નવરો છે પણ નવરી નથી,
રોજી છે પણ રોટી નથી
દાદાભાઈ નવરોજી
•]
મહાન છે પણ નીચ નથી.
આત્મા છે પરમાત્મા નથી
ગાંધી છે પણ નહેરુ નથી,
જગમાં તેનો જોટો નથી
મહાત્મા ગાંધીજી
•]
એ આપવાથી વધે છે.
એ આવે ત્યારે જન જાગે છે
એ જાય ત્યારે જન ઊંઘે છે.
વિદ્યા
•]
એક એવું અચરજ થાય
જોજન દૂર વાતો થાય
ટેલિફોન , કોમ્પુટર
•]
ઉનાળુ ઊલટું ઘરે,
ચોમાસે ભરાય
એ આવે સુખ ઉપજે,
તે સમજાવો
સરોવર
•]
અગ, મગ ત્રણ પગ,
લક્કડ ખાય
અને પાણી પીએ.
ઓરસિયો
•]
અક્કડ પાન,
કડાક્ક બીડી.
માંહી રમે છે
કામી કીડી
અક્ષર
•]
1] લીલી બસ, લાલ સીટ
અંદર કાળા બાવા
તરબૂચ
•]
આટ્યું પાટ્યું ભોંયમાં દાટ્યું
સવારે જોયું તો સોનાનું પાટ્યું
સૂરજ
•]
ખારા જળમાં બાંધી કાયા
રસોઈમાં રોજ મારી માયા
જનમ ધર્યાને પારા છોડા,
મારા દામ તો ઊપજે થોડા
મીઠું
•]
ઘેર ઘેર દીવડા પ્રગટાવે
અમીર ગરીબ સૌ આનંદ લૂંટે
વેરઝેરની આજે વાતો ભૂલાય
મીઠા મોં કરી આજે સૌ મલકાય
દિવાળી
•]
શરીર નહીં પણ જન્મે ખરી,
મોં નહીં પણ કરે અવાજ
જન્મી એવી ઝટ મરે
ચપટી
•]
ભેંસ વિયાણી પાડો પેટમાં
દૂધ દરબારમાં જાય
ચતુર હોય તો સમજી લ્યો
મૂરખ ગોથા ખાય !
કેરી
•]
જળનાં ફૂલ છે જે
તળાવોમાં થાતાં
લિંગ પર ચઢે
થાય ધોળાં રાતાં
કમળ
•]
ગોળ ઓરડો અંધારો ઘોર
એમાં પૂર્યાં રાતા ચોર,
એ ચોરને બધાંય ખાય
છે કલજુગનું કૌતુક ઑર !
દાડમ
•]
પીળા પીળા પદમસી
ને પેટમાં રાખે રસ
થોડાં ટીપાં વધુ પડે તો
દાંતનો કાઢે કસ !
લીંબુ
•]
રાતા રાતા રતનજી
પેટમાં રાખે પાણા
વળી ગામે ગામે થાય,
એને ખાય રંકને રાણા !
બોર
More from Gurjar Upendra
Stories
વાહ પટેલ ! વાહ !
રામપુર નામનું એક ગામ હતું. ગામમાં એક પટેલ રહે. નામ તેમનું પુંજા પટેલ. શરીરનો બાંધો મધ્યમ કક્ષાનો. એકવાર તેમની ભેંસે પાડીને જન્મ આપ્યો. સરસ મજાની પાડી નાની અને નમણી. પટેલને પાડી વહાલી-વહાલી લાગે. ગામને છેવાડે પુંજા પટેલનું ઘર અને ગામની નજીકમાં જ જંગલ. ઘણીવાર દીપડા જેવા હિંસક પ્રાણી ગામમાં ઘૂસે અને પાડી જેવા નાનાં પ્રાણીઓને […]
Gurjar Upendra
September 21 2015
More Others
મા તારો પાલવ યાદ આવે…
સાંજ પડે ને માં તારો પાલવ યાદ આવે,આ મોટપ ની મજા પણ આજે મને ફિક્કી લાગે.બસ આજે મને મારુ બાળપણ યાદ આવે,દુખી થાતા જ્યારે ત્યારે માં તારો પાલવ યાદ આવે.આજે ભલે મોટા થયા અમે પણ માં તુ યાદ આવે.બાળપણ ના દુ:ખ મા તો માં ના પાલવ માં રોતા,દુ:ખ તો આજે પણ છે પણ કેમ એને […]
Rahul Viramgamiya
February 05 2020
કોઈકે મને પૂછ્યું કે કેવી હોય છે માં?
કોઈકે મને પૂછ્યું કે કેવી હોય છે માં?જવાબ માં મેં કહ્યું કે એવી હોય છે માં, જે આપણે દુનિયા દેખાડે છે,ભૂખી રહી છે પોતે ને આપણે જમાડે છે,ઠંડી સહન કરીને આપણે આચળ ઓઢાડે છે,કંઈક વાગી જાય તો આપણી સાથે રડે છે જે ………..એવી હોય છે માં બોલતા આપણે શીખવે છે,ચાલતા આપણે શીખવે છે,લખતા આપણે શીખવાડે […]
Rahul Viramgamiya
December 04 2019
Interactive Games
Word Search
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
Hang Monkey
9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
