ને યાદ આવીજાય તું

September 14 2015
Written By GujaratilexiconGurjar Upendra

ક્યાંક દીવો ઝળહળે, ને યાદ આવીજાય તું
શક્યતાઓ સળવળે, ને યાદ આવીજાય તું

જિંદગીનો સાવ સીધો ને સરળ છે અર્થ, પણ
અર્થ બીજો નીકળે, ને યાદ આવીજાય તું

લાગણીના સ્પર્શથી પથરા ય પીગળે, છેવટે
સ્હેજ માણસ પીગળે, ને યાદ આવીજાય તું

બહુ સહી છે મેં અજાણ્યા દર્દની પીડા, સતત
એજ ઘરમાંથી મળે, ને યાદ આવીજાય તું

છે અલગ ઐશ્વર્ય ઉત્તરનું અનાહત, આગવું
પ્રશ્ન જો એમાં ભળે, ને યાદ આવીજાય તું

દર્દ કરતાં દર્દનું કારણ બને એ લાગણી
આંસુ થઈને ઓગળે, ને યાદ આવીજાય તું

આમ તો ઉપલબ્ધ છે હર ઝેરના મારણ, છતાં
કોઈ ઈર્ષાથી બળે, ને યાદ આવીજાય તું   !

ડો.મહેશ રાવલ

More from Gurjar Upendra

More Shayri

Interactive Games

Whats My Spell

રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Ukhana

બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં

Latest Ebook

Recent Blog

Latest Video

Social Presence

,

એપ્રિલ , 2024

બુધવાર

24

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

GL Projects