ગયો છું હું
September 08 2015
Written By
Gurjar Upendra
ઘણા ચહેરા, ઘણી વાતો ઘણું મૂકી ગયો છું હું,
અરીસો થઈ અને મુજ હાથથી ફૂટી ગયો છું હું.
ઘણી મશહુર છે સ્ટોરી, ‘ટપકતી છત હતો પહેલાં’
પછી વરસ્યો ઘણો વરસાદ ને તૂટી ગયો છું હું
વિચારૂં છું હજી ભીનાશ જેવું શું હશે અંદર !?
નહીં તો આંખથી તો ક્યારનો છૂટી ગયો છું હું
અરે હું ચાંદ છું પૂનમ તણો જાણે છે આખું જગ,
અમાસી રાતનું મન રાખવા ડૂબી ગયો છું હું
વટાવી ગઈ હદો સઘળીય મજબૂરી અમારી, કે –
હતું મારૂં જ એ ઘર ‘પ્રેમ’ ને લૂટી ગયો છું હું
– જિગર જોષી ‘પ્રેમ’
More from Gurjar Upendra



More Shayri



Interactive Games

Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Quick Quiz
મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.

Jumble Fumble
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ