અભિમાની કાગડો
February 12 2020
Written By
Rahul Viramgamiya
એક હતો કાગડો. તે ખૂબ જ અભિમાની. એક દિવસે તે ઊડી રહ્યો હતો તેવામાં ભૂલથી એક ચકલી ઉડતાં-ઉડતાં તેને અથડાઈ. ચકલીને થોડું વાગ્યું. તે કંઈ બોલી નહીં, પણ કાગડાએ ક્રોધમાં આવીને તેને ધક્કો માર્યો. હવે જ્યારે પણ ચકલી એક ડાળ પર સાંજે બેસતી ત્યારે ત્યારે કાગડો આવીને તેને બહુ જ હેરાન કરતો. ચકલી કાગડાથી ખૂબ કંટાળી ગઈ, પણ શું થાય ? ચકલી કરતાં કાગડો શક્તિશાળી હોવાથી ચકલી મૂંગે મોઢે સહન કરતી. એક દિવસ સાંજે ચકલી ઝાડ પર બેઠી હતી. તેવામાં ત્યાં એક સમડી આવી. સમડીની વિશાળ કાયા જોઈને ચકલી ગભરાઈ ગઈ. સમડીએ કહ્યું,‘મારાથી કેમ ગભરાય છે ? હું મારી શક્તિનો દુરુપયોગ કરતી નથી. હું હંમેશાં નાનાં પક્ષીઓ પ્રત્યે પ્રેમભાવ રાખું છું. તેથી જ હું ખૂબ ખુશ છુંં તને કંઈ તકલીફ હોય તો કહેજે. ચકલીએ ઉદાસ થીઈને રડતાં-રડતાં કાગડાના ત્રાસની વાત સમડીને કહી.સમડીએ તેને આશ્વાસન આપતાં કહું,‘બસ, આટલી નાની મુશ્કેલીમાં તું રડે છે ? ચિંતા ન કર. આવવા દે એ કાગડાને. થોડી વાર બાદ કાગડો ત્યાં વટથી આવ્યો. તે હસી રહ્યો હતો. ચકલીએ તે કાગડા તરફ સમડીને ઇશારો કર્યો. સમડી સમજી ગઈ. તેણે પોતાની એક પાંખ કાગડાને ફટકારી. કાગડો ડઘાઈ ગયો. કાગડો સમડીનો સામનો કરવા તૈયાર થયો. તેવામાં સમડીએ તેને એક પગથી જોરથી ધક્કો માર્યો. સમડીએ કહ્યું,‘ખબરદાર જો આ ચકલીને હેરાન કરી છે તો. તે મારી મિત્ર છે. તેને હેરાન કરીશ તો તને પળભરમાં મસળી કાઢીશ. હંમેશાં નાનાં પક્ષીઓ સાથે ઝઘડો ન કરતાં તેમનું રક્ષણ કરવું જોઈએ. કાગડો ત્યાંથી ભાગી ગયો. ચકલીએ સમડીનો આભાર માન્યો.
More from Rahul Viramgamiya
Jokes
ગુજરાતી જોક્સ
પપ્પૂ કેળું ખરીદવા ગયો. પપ્પૂ ; ભાઈ 1 કેળું લેવું હોય તો કેટલાનું મળશે ? કેળાવાળો ; 10 રૂપિયા…. પપ્પૂ ; અરે ભાઈ 4 રૂપિયામાં આપી દે. કેળાવાળો ; ગાડાં, 4 રૂપિયામાં તો ખાલી છાલ જ આવે… પપ્પૂ ; આ લે ગાંડા, 6 રૂપિયા, અને ફક્ત કેળું આપી દે, છાલ તૂ રાખી લે…
Rahul Viramgamiya
March 13 2020
Kavita
શાળાએ જઈએ
ઘરથી નીકળી શાળાએ જતાં, મા-બાપને નમન કરીએ, શાળામાં જઈ ભણતા પહેલાં, ગુરુજીને વંદન કરીએ, બે કર જોડી મા શારદાની, શાંતિથી પ્રાર્થના કરીએ, પછી લાઈનસર રૂમમાં જઈને, અભ્યાસમાં જ ધ્યાન ધરીએ, રિસેસનાં સમયમાં નાસ્તો કરી, થોડી વાર આરામ કરીએ, શાળામાં શિખેલ પાઠનું, ઘરે જઈ ચિંતન કરીએ
Rahul Viramgamiya
March 11 2020
Kavita
નસીબ
જ્યારે આંખો ખૂલી માતાનાં ખોળામાં, પહેલો શબ્દ સાંભળ્યો તે ‘નસીબ’. જ્યારે આવ્યો શાળાનાં તે પ્રાંગણમાં, સફળતા અને નિષ્ફળતા માટે જવાબદાર તે ‘નસીબ’. જ્યારે મૂક્યો પગ ધબકતાં હૈયે યુવાનીમાં, પ્રિયપાત્રને શોધવા માટેનો આધાર તે ‘નસીબ’. જ્યારે પુખ્તતાની એ ભરપૂર હાડમારીમાં, જીવન જીવવાની સાચી રીત શીખવનાર તે ‘નસીબ’. જ્યારે વૃદ્ધાવસ્થાની એ લાચાર આંખોમાં, કોઈ એક આશા સાથે […]
Rahul Viramgamiya
March 04 2020
More Stories
અકબર-બીરબલની વાર્તા
મુસ્તકા નામે પોપટનો એક વાપારી હતો. તે પોપટને પકડીને તેને બોલતાં શીખવાડતો અને તેને પોપટના શોખીન માણસોને વેચી દેતો. એક દિવસે તેના હાથમાં એક સુંદર પોપટ આવ્યો. તેણે તે પોપટને સારીસારી વાતો શીખવાડી અને બધા જ પ્રકારની બોલી શીખવાડી અને તેને લઈને તે અકબરના દરબારમાં ગયો. દરબારમાં જઈને મુસ્તફાએ પોપટને પૂછ્યું, બોલ, આ કોના દરબાર […]
Rahul Viramgamiya
February 17 2020
ચાલાક પરી
પરી બહુ તોફાની. તેની મમ્મી બપોરના સમયે કંઈક ખરીદી કરવા ગયાં.ઘરમાં દાદીમા બીમાર એટલે તેને કહ્યું,‘પરી, દાદીમાને કંઈ જોઈએ તો આપજે. હું હમણાં બજારમાં જઈને આવું છું. ઘર અંદરથી બંધ કરીને બેસને. કોઈપણ અજાણ્યા માણસો આવે તો ઘર ખોલવાનું નહી. પરીએ જોયું કે દાદીમા ઘઘસાટ ઊંઘતાં હતાં. અચાનક તેની નજર દાદામાના મોબાઈલ પર પડી. તેણે […]
Rahul Viramgamiya
February 13 2020
માધવની સમજદારી
માધવ અને માનવ એક જ સ્કૂલમાં ભણે. રિસેસમાં સાથે નાસ્તો કરે. માધવ પૈસાદાર હોવા છતાં રોજ ઘરેથી બનાવેલો જ નાસ્તો લાવે, જ્યારે માનવ મોટાભાગે પેકેટમાં મળતો તૈયાર નાસ્તો જ લાવે. આજે પણ રિસેસમાં માધવ અને માનવ સાથે નાસ્તો કરતા હતા. માધવ ઘરનો નાસ્તો કરતો હતો, જ્યારે માનવ નૂડલ્સ ખાતો હતો.નૂડલ્સના પેકેટમાંથી સરસ મજાનું એક રમકડું […]
Rahul Viramgamiya
February 11 2020
Interactive Games
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
Whats My Spell
રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.
