પરસેવાની કમાણી એ જ સાચી કમાણી

August 11 2015
Written By GujaratilexiconGurjar Upendra

ગુરુનાનક ધર્મ યાત્રા પર નીકળ્યા હતા. ગામની ધર્મશાળામાં મુકામ નાખ્યો. ભાવિક ભક્તોનું ટોળું તેની આજુબાજુ ફરી વળ્યું. જમવાનો વખત થયો. એટલે એક ગરીબ લુહાર પોતાના ઘરેથી મકાઈના બે રોટલા લઇ આવ્યો.

બીજી બાજુ ગામનો જમીનદાર પણ પોતાના માણસો પાસે પોતાની એ વિવિધ વાનગીઓનો થાળ ઉપડાવીને આવી પહોંચ્યો.

હવે ગુરુનાનક આગળ બે જાતના ભોજન પડ્યા હતા. એક બાજુ પેલા ગરીબ લુહારના મકાઈના બે જાડા રોટલા ને બીજી બાજુ પેલા શ્રીમંત જમીનદારના ઘરનું જાતજાતનું ભોજન. પરંતુ ગુરુ તો પ્રેમથી લુહારના જાડા જાડા રોટલા જમી ગયા. પેલા શ્રીમંત જમીનદારના ભર્યા ભાણા સામે જોયું પણ નહિ. પેલા જમીનદારનું મોં તો એવું પડી ગયું કે ના પૂછો વાત.

તે બોલ્યો, ‘ ગુરુદેવ આમ કેમ ! સેવક પર આટલી બધી અવગણના.’ જવાબમાં ગુરૂનાનકે પોતે ખાતા વધેલો ગરીબ લુહારનો રોટલાનો ટુકડો હાથમાં લીધો. તેને જોરથી દબાવતા તેમાંથી દૂધની શેર ફૂટી ! પછી પેલા જમીનદારના થાળમાંથી એક મીઠાઈનો ટુકડો લઈને તેન દબાવ્યો તો તેમાંથી લોહીના ટીપા ટપક્યા ! જોનારા બધા સ્તબ્ધ થઇ ગયા.

ગુરૂનાનકે જમીનદારને ઉદ્દેશીને કહ્યું: ‘ શેઠિયા, લુહારના રોટલા તેના પરસેવાની પેદાશ છે. એટલે એમાંથી સ્વાદિષ્ટ દૂધ ટપક્યું. જયારે તમે ગરીબ મજુરોના લોહી ચૂસી ધન ભેગું કર્યું છે એટલે એમાંથી લોહી ટપક્યું. ખરેખર, ‘પરસેવાની કમાણી એ જ સાચી કમાણી છે.’

More from Gurjar Upendra

More Stories

Interactive Games

Crossword

ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Whats My Spell

રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Latest Ebook

Recent Blog

Latest Video

Social Presence

,

ઓગસ્ટ , 2022

ગુરૂવાર

11

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

GL Projects