બુદ્ધિ આગળ બળ પાણી ભરે

January 16 2020

એક દિવસ એક કૂતરો જંગલમાં ફરવા નીકળ્યો. તે રસ્તો ભૂલી ગયો. તેને કકળીને ભૂખ પણ લાગી હતી. ત્યાં બન્યું એવું કે, સામે એક સિંહ આવી રહ્યો હતો. સિંહને જોઈને કૂતરાના મોતિયા મરી ગયા. હવે કરવું શું? આજુબાજુ નજર કરી, તો કેટલાંક હાડકાં જોયાં. કૂતરાએ એક હાડકું લઈને સિંહ તરફ પીઠ કરીને હાડકું
ચૂસવાનું શરૂ કર્યું ને મોટેથી બોલતો જાય, વાહ ! સિંહના શિકારથી તો આજે મોજ પડી ગઈ. એમ કહીને એણે મોટેથી ઓડકાર ખાધો. કૂતરાની આ વાત સાંભળીને સિંહ ઢીલો પડી ગયો. સિંહને લાગ્યું કે, આ કૂતરેમારો ભોગ લેશે. એટલે એ તો બીકનો માર્યો ત્યાંથી ભગવા માંડ્યો. આ દશ્ય ઝાડ ઉપર બેઠેલો વાંદરો જોતો
હતો. એને નવાઈ લાગી કે, એક સામાન્ય કૂતરાથી ડરીને જં ગલનો રાજા ભાગવા માંડયો ! વાંદરો ઝાડ ઉપરથી નીચે કૂદીને સિંહ પાસે દોડતો ગયો. તેણે સિંહને રોકીને કહ્યું, વનરાજ, એ કૂતરાએ તમને મૂર્ખ બનાવ્યા છે. ‘ આટલું સાંભળતા સિંહ જોરથી ગજર્યો અને બોલ્યો,‘ચાલ, મારી સાથે એની હું દશા બગાડી
દઉં.’ એમ કહી સિંહે વાંદરાને પોતાની પીઠ ઉપર બેસાડી દીધો ને કૂતરા તરફ દોડ્યો. આ તરફ કૂતરાએ જોયું કે, સિંહ આવી રહ્યો છે. એટલે એ સિંહ તરફ પીઠ કરીને બેસી ગયો ને જોરથી બોલવા લાગ્યો, ક્યાં ગયો પેલો વાંદરો? એક કલાક થવા આવ્યો છતાં કેમ ડોકાયો નહીં? ક્યારનો મેં મોકલ્યો છે. સિંહને ભોળવીને
મારી પાસે લઈ આવવા માટે મેં એને મોકલ્યો હતો છતાં તે ક્યાં મરી ગયો? હજુ સુધી કેમ આવ્યો નહીં? કૂતરાના આ શબ્દો સિંહે સાંભળ્યો ને મનમાં થયું, બાપ રે ! મારો જ શિકાર કરવા માટે આ વાંદરો મને મૂરખ બનાવીને લાવ્યો છે. તરત જ સિંહ વાંદરાને પોતાની પીઠ ઉપરથી નીચે પછાડ્યો અને પોતે જંગલમાં ભાગી નીકળ્યો. આનું નામ બુદ્રિ આગળ બળ પાણી ભરે.

More from Rahul Viramgamiya

More Stories

Interactive Games

Crossword

ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Quick Quiz

મગજને કસરત કરાવતી અને જોડકાં જોડો પદ્ધતિ દ્વારા શબ્દ અને અર્થ કે સમાનાર્થીને જોડતી એક રસપ્રદ રમત એટલે ક્વિક ક્વિઝ.

Word Match

મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.

Latest Ebook

Recent Blog

Latest Video

Social Presence

,

ડિસેમ્બર , 2022

મંગળવાર

6

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

GL Projects