સંવેદના

July 14 2015

ઘણા વર્ષો પહેલા ની વાત છે. રાજકોટ સ્થિત વી.ડી.પારેખ અંધ મહિલા વિકાસ ગૃહ અંધ બાળાઓને ભણતર સાથે રોજગાર મળી રહે એ માટે વર્ષો થી કાર્યરત છે. એક વાર આ સંસ્થા માં અંધ બાળાઓ ની સંગીત ની લેખિત પરીક્ષા હતી, જ્યાં મારે રાઈટર તરીકે જવાનું થયું. રાઈટર તરીકે આ મારો પહેલો અનુભવ. અને અંધ વિદ્યાર્થીની હોવાથી મારી જવાબદારી કઈક વધુ છે એમ મેં માન્યું. એ વિદ્યાર્થીની ને આપણે સંગીતા તરીકે ઓળખીશું.

સંગીતા ને પ્રશ્નપત્ર ના પ્રશ્નો હું વાંચી સંભળાવતી હતી અને તેઓ મને જવાબ લખાવતા જતા હતા. પરીક્ષા સરસ રીતે પૂરી થવા આવી હતી.

અચાનક સંગીતા એ મને પૂછ્યું, ‘દીદી મારા કાગળ ઉડી નહિ જાય ને?’

એનો ચિંતાતુર સ્વર સાંભળી મેં સહજ કહ્યું, ‘હું સ્ટેપલર લગાવી દઈશ એટલે કાગળ નહિ ઉડે. તમે ચિંતા ન કરો.’

‘સ્ટેપલર એટલે શું દીદી?’ સંગીતા નો તરત નો પ્રશ્ન…

થોડી ક્ષણ હું કઈ બોલી જ ન શકી. મને આંચકો લાગ્યો કે આંખ વગર ની દુનિયા કેવી અંધકારમય હોય છે! મારી સંવેદના હચમચી ગઈ.

‘દીદી, સ્ટેપલર એટલે શું?’ ફરી સંગીતા એ પૂછ્યું.

મેં સંગીતા ના હાથ માં સ્ટેપલર આપી તેને સ્પર્શ થી અનુભવ કરવા કહ્યું. કુદરતે એમને આંખ ન આપી પણ એમની સ્પર્શ ની, અને સ્પર્શ થી સંવેદના અનુભવવાની, વ્યક્તિ ને ઓળખવાની ગજબની શક્તિ આપી હોય છે. એક વખત મળ્યા પછી, સ્પર્શ થી વ્યક્તિ ને ઓળખ્યા પછી તેઓ એ વ્યક્તિ ને ભૂલતા નથી.

ખેર, પરીક્ષા તો પૂરી થઇ ગઈ હતી, પણ મને રાહ હતી પરિણામ ની. પરિણામ આવતા સંગીતા પાસ થઇ ગઈ હતી. સંગીત ની દિવ્યતા માં ખોવાઈ જવા કુદરતે આપેલ ક્ષમતા ને હું મનોમન વંદી રહી.

ડો. ચારુતા ગણાત્રા ઠકરાર

 

More from Dr. Charuta Ganatra Thakrar

More Stories

Interactive Games

Hang Monkey

9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.

Jumble Fumble

કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ

Word Match

મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.

Latest Ebook

Recent Blog

Latest Video

Social Presence

,

ઓગસ્ટ , 2022

ગુરૂવાર

11

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

GL Projects