સત્યાગ્રહને સથવારે રે, આઝાદી કેરી રણભેરી બજી
August 14 2014
GL Team
અહિંસાને આધારે રે, આઝાદી કેરી રણભેરી બજી.
સુકલકડીમાં એવી શૂરતા ભરી,
અંગ્રેજ વિલાયત ભાગે રે, આઝાદી કેરી રણભેરી બજી.
ટુંકી પોતડી પ્રેમે અપનાવી ,
રેટિયા કેરા રણકારે રે, આઝાદી કેરી રણભેરી બજી.
બારડોલીએ તો દીધા ડોલાવી,
સરદાર શા શુરવીરે રે, આઝાદી કેરી રણભેરી બજી.
લાલ ગુલાબ તો રહ્યું છે શોભી,
જવાહર જેવા હીરે રે, આઝાદી કેરી રણભેરી બજી.
આઝાદ હિન્દ ફોજના લલકારે,
સુભાષચંદ્રની હાંકે રે, આઝાદી કેરી રણભેરી બજી.
લાલાજી, સુખદેવ ને ભગત સાથે,
શહીદો કેરી શહાદતે રે, આઝાદી કેરી રણભેરી બજી.
નામી અનામી શહીદોની સાખે,
રણબંકાની રણહાંકે રે, આઝાદી કેરી રણભેરી બજી.
ઓગષ્ટ માસે ને પંદરમીએ રાત્રે,
આઝાદી ઉજાસ આકાશે રે, આઝાદી કેરી રણભેરી બજી.
નવયુવાનો હવે સંકલ્પ જ કરો,
જગત જાગે ત્રિરંગાના સાદે રે, આઝાદી કેરી રણભેરી બજી.
-“સ્વપ્ન” જેસરવાકર (ગોવિંદ પટેલ) Link : http://bit.ly/1kZkzut
Most Popular
Interactive Games
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
Crossword
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
Word Search
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
