Gujaratilexicon

૨૬ ફેબ્રુઆરી – અમદાવાદની ૬૦૦ વર્ષની ઉજવણી

January 31 2010
Gujaratilexicon

જબ કુત્તે પે સસ્સા આયા તબ બાદશાહને શહર બસાયા…. અમદાવાદ શહેર આગામી ૨૬મીએ પોતાની ૬૦૦મી બર્થડે ઊજવી રહ્યું છે. જોબ ચાર્નોકના કોલકત્તા અને અંગ્રેજોને દહેજમાં મળેલા મુંબઈ કરતાં પણ અમદાવાદ ઉમરમાં મોટું છે. છેલ્લાં ૬૦૦ વર્ષમાં લાખો લોકોએ અમદાવાદને પોતીકું બનાવ્યું છે. મૂળ બાર દરવાજામાં વસેલું અમદાવાદ આજે જાણે સિલાઈએથી ફાટું ફાટું થતું હોય તેમ ચોમેર વિસ્તરી રહ્યું છે.

વિશિષ્ટ વાવ, પોળ, મંદિરો અને મસ્જિદો માટે જાણીતા અમદાવાદે ફલાયઓવર અને રિવરફ્રન્ટથી માંડીને બીઆરટીએસની નવી ઓળખ મેળવી છે. કરોડો લોકોનાં સપનાં અમદાવાદમાં સાકાર થયાં છે. દૂધમાં સાકર ભળે તેમ પ્રતિદિન હજારો પરપ્રાંતિયો અમદાવાદમાં સમાઈને સમરસ થઈ જાય છે. વિભિન્નતામાં એકતા જાણે અમદાવાદની નવી ઓળખ બની રહી છે.

આજે અમદાવાદ એજયુકેશન સિટી છે, મેડિકલ ટુરિઝમનું હબ છે, ટ્રેડિંગ કેપિટલ છે. નેનોનું નવું સરનામું છે… વાતનો સાર એ કે મહાજન પરંપરા ધરાવતું સદાય વાઇબ્રન્ટ અમદાવાદ દેશનું સર્વશ્રેષ્ઠ મેટ્રો બનવાની હરીફાઈમાં મોખરાનું સ્થાન મેળવી ચૂકયું છે. નર્મદાના નીરે સાબરમતી સ-જળ થઈ છે. કેરોસીનવાળી રિક્ષાઓ હવે સીએનજીથી દોડે છે.

દધિચી મુનિથી માંડીને પંડિત રવિશંકર મહારાજ, ગાંધી બાપુ, સરદાર પટેલ, ઇન્દુચાચાની કર્મભૂમિસમાન અમદાવાદ છેલ્લાં ૬૦૦ વર્ષમાં ઘણું બદલાયું છે, પરંતુ નથી બદલાયો અમદાવાદીઓનો મિજાજ. પ્રત્યેક અમદાવાદી ‘અમદાવાદ’ શહેરના જાણે પ્રેમમાં છે.

અમદાવાદના આ મિજાજને સુસંગત રહી આ શહેરને વિશ્વમાં શ્રેષ્ઠ બનાવવાની દિશામાં ‘દિવ્ય ભાસ્કર’ જૂથ ફરી એક વાર પોતાની જાતને સમર્પિત કરે છે. ‘આઇ લવ માય અમદાવાદ’નું આ અભિયાન આગામી દિવસોમાં અવિરતપણે ચાલતું રહેશે. આ ઉજવણીમાં આપ સૌને જોડાવા અમારું ભાવભીનું નિમંત્રણ છે.

Courtesy – Dviya Bhaskar – 01-02-2010
http://www.divyabhaskar.co.in/2010/02/01/100201015644_600_years_of_ahmedabad.html

Most Popular

Interactive Games

General Knowledge Quiz

સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Hang Monkey

9 પ્રયત્નની અંદર કયો શબ્દ આપેલ છે તે શોધી અને બંદરને ફાંસીના માંચડે ચઢાવતાં અટકાવો. આ રમત અંગ્રેજી અને ગુજરાતી એમ બન્ને ભાષા માટે રમી શકાશે.

Jumble Fumble

કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ

Latest Ebook

Recent Blog

Latest Video

,

જૂન , 2024

23

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

Social Presence

GL Projects