Gujaratilexicon

શું તમને ચોઘડિયાં જોતાં આવડે છે ?

January 20 2020
Gujaratilexicon

આદિકાળથી કોઈ પણ સારું કાર્ય કરતી વખતે, નવી વસ્તુ કે મકાન મિલકત ખરીદતી વખતે સામાન્ય રીતે ચોઘડિયું જોવામાં આવે છે. Here, you can understand how to read a Panchang in Gujarati.

સામાન્ય રીતે ચોઘડિયું એટલે ચાર ઘડીનો સમય. દિવસના ચોઘડિયાની શરૂઆત સૂર્યોદયથી અને રાત્રિના ચોઘડિયાનાં શરૂઆત સૂર્યાસ્તથી થાય છે. મુખ્યત્વે ચોઘડિયાં ત્રણ પ્રકારના હોય છે : શુભ, મધ્યમ અને અશુભ.

શુભ ચોઘડિયાં

સામાન્ય રીતે શુભ ચોઘડિયાંમાં શુભ, અમૃત અને લાભ આ ત્રણ પ્રકારનો સમાવેશ થાય છે. પંચાગમાં આ શુભ ચોઘડિયાંં સામે સાથિયાની નિશાની આપવામાં આવે છે.

મધ્યમ ચોઘડિયાં

મધ્યમ ચોઘડિયામાં ચલનો સમાવેશ થાય છે. સારું કાર્ય ચલના ચોઘડિયામાં શરૂ કરી શકાય છે.

અશુભ ચોઘડિયાં

અશુભ ચોઘડિયાંમાં રોગ, ઉદ્વેગ અને કાળ એમ ત્રણ પ્રકારનો સમાવેશ થાય છે.

panchang, choghadiya, good days and time

ચોઘડિયાનો સમય દોઢ દોઢ કલાકનો હોય છે અને સૂર્યોદય થાય ત્યારબાદ દિવસના ચોઘડિયાની ગણતરી થાય છે. દા.ત તરીકે સૂર્યોદય 6 વાગે થતો હોય તો પ્રથમ ચોઘડિયાંનો સમય 6 થી 7.30નો રહેશે. દરેક દિવસે અને રાતે ચોઘડિયાં અલગ હોય છે પણ દરેક વારના ચોઘડિયાં ફિક્સ હોય છે. એટલે કે દર સોમવારે પહેલું ચોઘડિયું અમૃત જ રહેવાનું. તે જ રીતે રાત્રિના ચોઘડિયાંનો સમય સાંજના 6થી સામાન્ય રીતે ગણવામાં આવે છે.

દરરોજ આખા દિવસ દરમ્યાન 3 ચોઘડિયાં શુભ અને 3 ચોઘડિયાં અશુભ રહેવાના જ. દરેક વારનો એક સ્વામી હોય છે અને તે વારના ચોઘડિયાંની શરૂઆત તે વારના સ્વામીથી થાય છે. દા.ત. રવિવારના સ્વામી ઉદ્વેગ છે તો રવિવારનું પહેલું ચોઘડિયું ઉદ્વેગ, સોમવારના સ્વામી અમૃત છે, મંગળવારના સ્વામી રોગ, બુધવારમાં લાભ, ગુરુવારના સ્વામી શુભ, શુક્રવારના સ્વામી ચલ અને શનિવારના સ્વામી કાળ. એટલે કે સોમવાર, બુધવાર અને ગુરુવારે સવારના પહેલાં ચોઘડિયામાં સારું કામ કરી શકાય છે.

નવરાત્રિમાંં ઘટ સ્થાપન હોય કે લગ્ન પ્રસંગે કંકોતરી લખવાની હોય કે ગણેશ સ્થાપન કે માંડવા મૂર્હત કરવાનું હોય તો પણ ચોઘડિયાં જોવામાં આવે છે. વળી મૃત્યુ પામેલા માનવીને અગ્નિદાહ આપવા માટે પણ ચોઘડિયાં જોવામાં આવે છે.

આ પણ સાંભળો : લગ્નગીતો,

થોડીક સમજણ અને મહાવરાથી તમે પણ સરળતાથી હવે ચોઘડિયાં જોઈ શકશો.

જાણો આ બ્લોગમાં રહેલા શબ્દોના અંગ્રેજી અર્થ (Gujarati to English)

ચોઘડિયું : period of time equal to four ghadis; auspicious moment or time.

ઉદ્વેગ : agitation, excitement; dread, fright; agony; anxiety; sorrow

અગ્નિદાહ : cremation of a dead body

Most Popular

Interactive Games

Crossword

ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Whats My Spell

રમત રમતાં સાચી અને ખોટી જોડણીમાંથી સાચી જોડણીવાળા શબ્દની પસંદગી કરો શબ્દની જોડણી વિશેની માહિતી મેળવો.

Word Search

આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.

Latest Ebook

Recent Blog

Latest Video

,

માર્ચ , 2024

શુક્રવાર

29

આજે :
આજે કોઈ તહેવાર અથવા રજા નથી
વિક્રમ સંવત :

Powered by eSeva

Social Presence

GL Projects