હર્ષ; આનંદ (2) એક ઝાડ (3) (સં.) એક રાજા (4) વિo શોકરહિત

અયોધ્યાના રાજા દશરથનો એ નામનો એક પ્રધાન. જુઓ અષ્ટમંત્રી.

( જૈન ) અરુણદ્વીપનો એ નામનો દેવતા.

આસોપાલવનું ઝાડ. તે કાયમ લીલું રહેતું હોવાથી અશોક કહેવાય છે. તે ઠંડું, કડવું, મળ રોકનાર, લોહીબગાડ દૂર કરનાર અને કરમનો નાશ કરનાર મનાય છે. તેનાં પાન શુભ પ્રસંગે તોરણ બંધાય છે.

ઈ. સ. પૂર્વે ત્રીજા સૈકામાં થયેલો મગધનો મૌર્યવંશી ચક્રવર્તી રાજા. તેણે ઈ. સ. પૂર્વે ૨૩૪થી ૧૯૮ સુધી રાજ્ય કર્યું. પહેલાં તે વેદને માનતો પણ પાછળથી બૌદ્ધધર્મ પર તેની આસ્થા થઈ અને તેનો ઘણો ફેલાવો કર્યો. તેણે કોતરાવેલ શિલાલેખ જૂનાગઢમાં છે.
જાપાનનો અશોક—રાજકુમાર શોતોકુ. તેણે જાપાનમાં ચાલતા બૌદ્ધિઝમ, શીન્તોઈઝમ અને કોન્ફ્યુશિઅનિઝમ એ ત્રણ ધર્મ વચ્ચેનો ઝઘડો પતાવ્યો હતો.

એ નામની એક લતા; અશોકલતા.

( જ્યોતિષ ) એ નામનો એક ગ્રહ; અઠ્યાસી ગ્રહમાંનો એક.

( જૈન ) એક જાતનો રંગ.

ચૈત્ર સુદિ છઠ. ચૈત્ર સુદિ ૬ એ અશોકષષ્ઠી, સ્કંદષષ્ઠી કહેવાય છે. દેવોને અસુરો બહુ જ હેરાન કરતા હતા. આથી તેઓએ અસુરનો ઘાણ કાઢે એવા વીરને ઉત્પન્ન કરવા બધા સારા દેવોને વિનતિ કરી અને શ્રીશંકરથી સ્કંદ—કાર્તિકસ્વામીનો જન્મ ચૈત્ર સુદિ ૬ને રોજ થયો. દેવોનો શોક દૂર થયો, તેથી તે ષષ્ઠીનું નામ અશોકષષ્ઠી પડ્યું. ષષ્ઠી તો અધ્યાહાર રહી તે છંદનું નામ એકલું અશોક કહેવાયું હોય એમ મનાય છે.

( પિંગળ ) દરેક ચરણમાં ૯ સગણ અને ૨ ગુરુ મળી ૨૯ અક્ષરનો છંદ; સકામબાણ.

દશરથ રાજાનો એ નામનો એક પ્રધાન. તેનું બીજું નામ અકોપ હતું.

( પુરાણ ) દુર્યોધનના પક્ષનો એ નામનો એક રાજા.

પારો; પારદ.

બકુલનું ઝાડ; બોરસલી. એની મંજરી કામદેવનાં પાંચ બાણ માંહેનું એક મનાય છે.

વિષ્ણુનાં હજાર નામ માંહેનું એક. શોક વગેરે છ લાગણીઓથી રહિત હોવાથી તે અશોક કહેવાય છે.

( જૈન ) વ્યંતર દેવનું એક ચિહ્ન.

શોકનો અભાવ.

( જૈન ) સૂર્યાભવિમાનના અશોક વનનો એ નામનો દેવતા.

હર્ષ; આનંદ; ખુશાલી.

પ્રાચીન હિંદનું એ નામનું એક શહેર.

ભારતવર્ષમાં કામ્યક વનની દક્ષિણે આવેલું એક તીર્થ.

આનંદ થાય એવું; રમણીય; ખુશાલી ઊપજે એવું.

આનંદી.

શોક વિનાનું; દિલગીરી વગરનું.