એ નામનો એક પ્રખ્યાત ખગોળશાસ્ત્રી. તેણે પૃથ્વી સૂર્ય આસપાર ફરે છે તે સિદ્ધાંત પ્રચલિત કર્યો. તેની પછી કેપ્લર અને ન્યૂટને આ સિદ્ધાંતને સાબિત કર્યો. તેનો જન્મ ઈ.સ. ૧૪૭૩માં પ્રશિઅમાં થયો હતો. ગ્રહસ્થિતિનાં ખરાં તત્ત્વનું જ્ઞાન જગતને પ્રથમ કરાવવાનું માન તેને મળે છે. સૂર્યની આસપાસ ગ્રહોને ફરવાનો ક્રમ પદ્ધતિ પ્રમાણે બુધ, શુક્ર, પૃથ્વી, મંગળ, ગુરુ અને શનિ એવો છે. તેણે ગ્રહકક્ષા તદ્દન વર્તુળ કે ગોળ માનેલી હતી અને તેને લીધે ગ્રહગતિ ઓછી વધતી થાય છે. તેની વિશ્વરચના વિવેચન પદ્ધતિનાં મુખ્ય તત્ત્વો બે છે: (૧) આકાશમાં રહેલ બધી જ્યોતિની દૈનંદિન ગતિ કેવળ ભાસમાન છે. પૃથ્વીના અક્ષયભ્રમણને લીધે તે ભાસ થાય છે. (૨) પૃથ્વી એ એક ગ્રહ છે. તેની સાથે સર્વ ગ્રહો સૂર્યની આસપાસ વર્તુલ માર્ગે ફરે છે. સૂર્ય એ વિશ્વનું મધ્ય છે.

ચંદ્રમાની સપાટી ઉપર આવેલો એ નામનો એક જ્વાળામુખી પર્વત. તે ૧૧,૩૦૦ ફૂટ ઊંચો છે. તેના જ્વાળા નીકળતા મુખની ખાસ વિશિષ્ટતા એ છે કે તેમાંથી નીકળતી તેજની ઘણી લીટીઓ ચારે દિશામાં ફેલાય છે અને તે પૂનમને દિવસે પૂર્ણ ચંદ્રમા વખતે દેખાય છે. ચંદ્ર ઉપર આવા અનેક પર્વતો છે. પર્વતના મધ્યભાગમાં સપાટ જગ્યા હોવાથી તેની આસપાસ ભીંતનો કોટ દેખાય છે. તેનો વ્યાસ આશરે ૫૦ માઈલ છે. સુદિ આઠમ પછી આ પર્વત દેખાવા માંડે છે.