અર્બુદ; ઘારૂં. ચંદ્ર અર્થાત્ ચાંદાના આકાર ઉપરથી ઘારાને ચાંદી કહેવાય છે.

ઉપદંશ; ગરમી; ટાંકી. અતિ સોબતથી ઉત્પન્ન થતો આ એક બહુ જ ચેપી અને ભયંકર રોગ છે. એમાંથી વિસ્ફોટક, સંધિવા અને બીજા ઘણા રોગ ઉત્પન્ન થાય છે. તેમાં વાતોપદંશથી કાળા રંગની ફોલ્લી થઈ પીડા થાય છે. પિત્તોપદંશથી પીળા રંગની ફોલ્લી થઈ બળતરા સાથે તેમાંથી પાણી ઝરે છે. કફોપદંશથી સફેદ રંગની ફોલ્લી ઊઠી વલૂર છૂટે છે, સોજો આવે છે અને જાડું પરુ વહે છે. સન્નિપાતોપદંશથી પરુ ઝરે છે. રક્તોપદંશથી ફોલ્લી માંસ જેવી લાલ રંગની થાય છે.

એક જાતની કીમતી ધાતુ; રૂપું; રૌપ્ય; રજત. ખાણમાંથી ચાંદી બીજી ધાતુ સાથે મળેલી નીકળે છે. એનું ગુરુત્વ સોનાથી અર્ધું છે. ચાંદીના ઘણી જાતના ક્ષાર બને છે અને તે ફોટોગ્રાફિ વગેરેમાં કામ આવે છે. તેનો અમ્લક્ષાર બહુ મુશ્કેલીથી બને છે. ચીન અને અમેરિકામાંથી ચાંદી પુષ્કળ મળે છે. તેના સિક્કા, દાગીના, રમકડાં, વાસણ વગેરે બને છે. વૈદ્ય લોકો તેની ભસ્મ બનાવી રસૌષધ બનાવે છે, અને તેનો વરખ રોગીઓને આપે છે. ચાંદીનો તાર બહુ સારો ખેંચાય છે.

એક પ્રકારની માછલી.

ઓપ; ઢોળ.

ચામડી જતી રહી માંસ દેખાય એવું ગોળ ચાઠું; ચાંદું.

ચોખ્ખા રૂપા જેવી ધોળી રાખ.

તારો; ચાંદરણી.

નુકસાની.

પેસો; ધન.

ફળ બગડી જતાં તેમાં પડતો ડાઘ.

શુદ્ધ રૂપા જેવી દેખાતી ચળકતી સફેદ વસ્તુ.

ચોખ્ખું.