(અંદરથી કે આરપાર થઈને) બહાર આવવું કે જવું (જેમ કે, ઓરડીમાંથી, છીંડામાંથી નીકળવું; નાકામાંથી દોરો નીકળવો) (2) જવું; પસાર થવું (જેમ કે, આ રસ્તે નીકળજો.) (3) વીતવું; ગુજરવું (જેમ કે, કલાક નીકળી ગયો) (4) પ્રગટવું; બહાર પડવું; ઝરવું; ઊગમ થવો (જેમ કે, નદી, નહેર, ઝરણું, ઝરો) (5) છૂપું કે દૃષ્ટિ બહાર હોય તેણે દેખા દેવી; દેખાવું; ઉદય થવું (જેમ કે, ચંદ્ર, સૂર્ય, ચાંદની, તાપ; અથવા છૂપું છાનું કાંઈ પણ જડવું કે હાથ લાગવું; જેમ કે, ચોરીનો માલ) (6) અંદરથી પેદા થવું, બનીને બહાર આવવું (જેમ કે, તેલ ઘી નીકળવું; ગૂમડું બળિયા નીકળવાં) (7) છૂટવું; મુક્તિ થવી (જેમ કે, કેદમાંથી; કામમાંથી; દેવામાંથી; મુશ્કેલીમાંથી; ધંધામાંથી રોકાણ નીકળવું) (8) દૂર થવું; હઠવું (જેમ કે, ડાઘો, રંગ) (9) નીવડવું; પાકવું; કસોટીમાં નણાવું (જેમ કે, છોકરો ખરાબ નીકળ્યો; રૂપિયો ખોટો નીકળ્યો) (10) રચાઈને પ્રસિદ્ધ થવું; બહાર પડવું (જેમ કે, કાયદો, છાપું, ચોપડી) (11) શરૂ થવું; ચાલવું; ઊપડવું (જેમ કે, વાત, ચર્ચા નીકળવી; અથવા રેલવે, સડક, ગાડી નીકળવી) (12) તપાસતાં કે હિસાબ કરતાં જે (લેણદેણ) હોય તે જણાવું (જેમ કે, માંગતું નીકળવું; દેવાળું નીકળવું; હિસાબે જે નીકળે તે ખરું; ભૂલ નીકળવી; દોષ નીકળવો) (13) બીજી ક્રિયાના કૃદંત સાથે આવતાં, તે કરવાનું આરંભવું, તેને માટે બહાર પડવું, ઊપડવું એવો ભાવ બતાવે છે; જેમ કે, જવા નીકળવું (14) આવવું, જવું, પડવું ક્રિoની સહાયમાં નીકળી કૃo તરીકે આવતાં નીકળવાનું ઝટ ને બરોબર થવાનો ભાવ બતાવે છે.

આરંભ થવો; શરૂ થવું. જેમકે, નવું કામ નીકળ્યું છે.

આવવું, જવું, પડવું ક્રિયાપદની સહાયમાં નીકળી કૃદંત તરીકે આવતાં નીકળવાનું ઝટ ને બરોબર થવાનો ભાવ બતાવવો,જેમકે, નીકળી આવવું, નીકળી જવું, નીકળી પડવું.

ઊઘડવું; ખુલ્લું થવું.

કોઈ તરફ વધેલું હોવું.

ચર્ચા માટે ઉપસ્થિત થવું. જેમકે, વાત નીકળવી.

છૂપું કે છાનું કાંઈ પણ જડવું કે હાથ લાગવું. જેમકે, ચોરીનો માલ.

છુપું કે દૃષ્ટિ બહાર હોય તેણે દેખા દેવી; દેખાવું; ઉદય થવું. જેમકે, ચંદ્ર, સુર્ય.

જવું; પાસે થઈ ચાલવું; પસાર થવું. જેમકે, આ રસ્તે થઈને નીકળજો..

તપાસતાં કે હિસાબ કરતાં જે લેણદેણ હોય તે જણાવું. જેમકે, માગતું નીકળવું, દીવાળું નીકળવું; ભૂલ નીકળવી; દોષ નીકળવો.

દૂર થવું; હઠવું. જેમકે, ડાઘો નીકળવો, રંગ નીકળવો.

નવું અમલમાં આવવું જેમકે, આ ચાલ હમણાં નીકળ્યો છે.

નીવડવું; પાકવું; કસોટીમાં જણાવું જેમકે, છોકરો ખરાબ નીકળ્યો , રૂપિયો ખોટો નીકળ્યો

પ્રગટવું; બહાર પડવું; ઝરવું; ઊગમ થવો. જેમકે, નદી, નહેર, ઝરણું, ઝરો.

પ્રસિધ્ધિમાં આવવું; જાહેર પુરુષ તરીકે જાણીતા થવું.

બનીને બહાર આવવું; અંદરથી પેદા થવું. જેમકે, ગૂમડું કે બળિયા નીકળવા; તેલ કે ઘી નીકળવું.

બહાર આવવું; અંદરથી કે આરપાર થઈને જવું. જેમકે, ઓરડીમાંથી નીકળવું, નાકામાંથી દોરો નીકળવો.

બંધનમુક્ત થવું; છૂટવું; મુક્તિ થવી. જેમકે, કેદમાંથી નીકળવું, દેવામાંથી નીકળવું, મૂશ્કેલીમાંથી નીકળવું.

બીજી ક્રિયાના કૃદંતની સાથે આવતાં તે કરવાનું આરંભવું; તે ક્રિયાને માટે બહાર પડવું; ઊપડવું. જેમકે, જવા નીકળવું.

માલૂમ પડવું; જણાવું.

રચાઈને પ્રસિધ્ધ થવું; બહાર પડવું. જેમકે, કાયદો નીકળવો, છાપું નીકળવું, ચોપડી નીકળવી.

વ્યતીત થવું; પસાર થવું; ગુજરવું. જેમકે, દહાડા નીકળવા.

શરૂ થવું; ચાલવું; ઊપડવું. જેમકે, રેલવે નીકળવી, સડક નીકળવી, ગાડી નીકળવી.

સાબિત થવું; નીવડવું.

હાથ લાગવું; કોઈના કબજામાંથી મળવું.