પાણી ખૂંદનાર
वि.
પક્ષીની એક જાતનું. આ વર્ગમાં બગલાં આવે છે. તેના વળી બે વિભાગ છેઃ ઝાડ ઉપર બેસી શકે તે અને ઝાડ ઉપર ન બેસી શકે પણ જમીન ઉપર જ રહે તે. પહેલા વિભાગનાં પક્ષીઓના પગનાં પાછળનાં આંગળાનો સંપૂર્ણ વિકાસ થયો હોય છે, એટલે તેઓ ઝાડની ડાળી પકડીને બેસી શકે છે. બીજા વર્ગનાં પક્ષીઓમાં તે આંગળાનો વિકાસ થયો નથી હોતો અને તેઓ ઝાડની ડાળી પકડી શકતાં નથી. તેઓ જિંદગી જમીન ઉપર જ કાઢે છે. આ બીજા વિભાગમાં ત્રણ જાતનાં બગલાં આપણે ત્યાં છેઃ સારસ, કુલંગ અને કુંજ. આ ત્રણે પક્ષીઓમાં કેટલીક શારીરિક સામ્યતા છે. તેઓની ચાંચ લાંબી પણ બક કુટુંબનાં બીજાં પક્ષીઓ કરતાં ટૂંકી હોય છે. ચાંચની ઊંડી ખાંચમાં નસકોરાં આવેલાં હોય છે. પગ લાંબા અને ભીંગડાંવાળા, પાંખો લાંબી, પૂંછડી ટૂંકી અને એકસરખાં માપનાં પીછાંવાળી હોય છે. તેઓ ઊડતી વખતે ડોક આગળ અને પગ પાછળ લંબાવી ઊડે છે. ઊડવાની શરૂઆત કરવા તેઓ થોડુંક દોડે છે અને જમીન છોડીને હવામાં જવા માટે પાંખો જોરથી વીંઝે છે. તેમની પાંખોના છેડાનાં પીછાં લાંબાં, સુંવાળાં અને ઝૂલતાં હોય છે. તેઓ બહુધા વનસ્પતિભક્ષી છે, પણ જીવડાં ખાય છે.
Showing Results from :
Other Results :
Interactive Games
General Knowledge Quiz
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
Word Search
આડા ઊભાં ગોઠવાયેલા શબ્દોમાંથી સાચો શબ્દ શોધતી ગુજરાતી ભાષાની ઓનલાઇન રમાતી પ્રથમ રમત એટલે વર્ડ સર્ચ.
Word Match
મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.
