ઉત્તર ધ્રુવ તરફ આવેલ એ નામનું તારાનું ઝૂમખું; મર્કટી. તે છ તારાનું બનેલું હોય છે. તે ધ્રુવની ચારે તરફ ફરે છે.

એક જાતનો ચામડીનો રોગ.

કળ છટકાવી શકાય એવી એક જાતની આંકડી.

કાઠિયાવાડી ઘોડીની એક જાત.

ગાડાના ઉપરના ભાગમાં ઊધ પાસેનું એક સાધન; ઊધ ઉપર જ્યાં ખેડૂત બેસે છે તે જગ્યા.

ગાયની એક જાત. તેનો રંગ જરા પીળાશ પર હોય છે.

ઘંટી અને ઘંટલાના ઉપલા પડમાં મોઢિયામાં બેસાડેલો શારવાળો લાકડાનો કકડો; જેમાં ઘંટીના ખીલાની અણી રહે છે એવું ઉપલા પડના ગાળામાનું ખોભણદાર લાકડું.

ઘાણીની લાઠનો ઉપલો છેડો જેમાં બેસાડે છે તે ભાગ.

ચોમાસામાં લીલા છોડ અને ધાસ ઉપર થતું ઘાસના તરણા જેવા લાંબા પગવાળું, સળેકડી જેવું જીવડું: માંકડીકૂકડી; તીતીધોડા જેવું ઊડતું જીવડું. તેના પગમાંથી એક જાતનું પીળું પ્રવાહી નીકળે છે. તેનાથી ફોલ્લા થાય છે આ પ્રવાહીને કેન્થેરીડીન કહે છે. યરપ, અમેરિકમાં આ માંકડીની પાંખો ઉકાળીને કેન્થેરીડીન કાઢવામાં આવે છે. ફોલ્લા પાડવા માટે જ કેન્થરીડીન વપરાય છે. જેમ કેટલાંક દર્દોમાં ડામ દેવાય છે. તેમ પેશાબના દર્દોમાં પણ બીજી દવાઓ સાથે કેન્થેરીડીન મેળવીને અપીય છે. માંકડીની ઈયળી ખેતીને નુકસાન કરનાર તીડ, તીતીધોડા, કંસારી વગેરેનાં ઈંડાંને ખાઈ જઈ ને ખેતીને ખૂબ જ ફાયદાકારક છે ફ્રાંસ અને સ્પેનમાં તો પહેલાં એનો ઉછેર થતો. હવે બીજી દવાઓ થતાં કેન્થરીડીનનો ઉપયોગ ઘટી ગયો છે.

જેમાં સાલ બેસે તે વેહ; સાલનો વેહ.

ઢોર બાંધવાના દોરડાના ગાળામાંની મોઈ.

નાડાંને છેડેનું ગરેડીવાળું લાકડું.

ભૂરી ભેંસ.

મધ્ય પ્રાંતમાં થતું લીંબડી જેવું ઝાડ. વાયુવાળા શરીરને તેનાં પાનનો શેક સારો છે. તે રાયગઢના કિલ્લા ઉપર થાય છે. એનાં પાન અને ફળ લીંબુ જેવાં જ થાય છે. વાયુબદ્ધ શરીર હોય તો માંકડીનાં સૂકાયેલાં પાંદડાં તમાકુની પેઠે ચલમમાં નાંખી પીવાથી શરીરમાંનો વાયુ નીકળી જાય છે. કયારેક ઢોરના ક્ષત ઉપર પાંદડાં વાટીને પણ ચોપડાય છે.

માંકડની માદા.

માંકડાંની માદા; વાંદરી; મર્કટી; ભોજલી; લાલા મોંના વાંદરાની માદા.

માંખ.

રેટિયો ફેરવવાનો હાથો; બાવડું.

( વહાણવટું ) સઢના છૂટા છેડાનાં દોરડાંને ધામણને બાંધવાનું લાકડાંનું દેવું અથવા કડું.

હળ ઉપર ચોડેલું મોઈના આકારનું લાકડું. તેના પર ખેડૂત ખેડતી વખતે ભાર મૂકે છે.