Home » Gujarati to Gujarati Translation » રાશિ

રાશિ

વ્યાકરણ :

પું○

વ્યુત્પત્તિ :

અર્થ :

સમૂહ, જથ્થો, ‘ક્વૉન્ટિટી’ (પો○ગો○) (૨) ઢગલો. (૩) ભંડોળ. (૪) સ્ત્રી○ ગણિતનો તે તે આંકડો કે રકમ. (ગ.) (૫) પ્રમાણ માંઢવાની રીત (ત્ર.) (૬) આકાશમાંના ક્રાંતિવૃત્તના બાર સરખા ભાગ (દરેક ૩૦ અંશ)માંનો તારાસમૂહ (સવા બે નક્ષત્રનો એક ભાગ થાય છે), જેવો કે મેષ, વૃષભ, મિથુન, કર્ક, સિંહ, કન્યા, તુલા, વૃશ્રિક, ધન, મકર, કુંભ અને મીન. (સૂર્ય આખા રાશિચક્રમાં એક વાર દેખાવા ૩૬૫ દિવસ, ૫ કલાક, ૪૮ મિનિટ અને ૪૬ સેકન્ડ લે છે.) (ખગોળ.)

Showing Results from :

ક્રમાંક	વ્યુત્પત્તિ	વ્યાકરણ	અર્થ
1		પું○	સમૂહ, જથ્થો, ‘ક્વૉન્ટિટી’ (પો○ગો○) (૨) ઢગલો. (૩) ભંડોળ. (૪) સ્ત્રી○ ગણિતનો તે તે આંકડો કે રકમ. (ગ.) (૫) પ્રમાણ માંઢવાની રીત (ત્ર.) (૬) આકાશમાંના ક્રાંતિવૃત્તના બાર સરખા ભાગ (દરેક ૩૦ અંશ)માંનો તારાસમૂહ (સવા બે નક્ષત્રનો એક ભાગ થાય છે), જેવો કે મેષ, વૃષભ, મિથુન, કર્ક, સિંહ, કન્યા, તુલા, વૃશ્રિક, ધન, મકર, કુંભ અને મીન. (સૂર્ય આખા રાશિચક્રમાં એક વાર દેખાવા ૩૬૫ દિવસ, ૫ કલાક, ૪૮ મિનિટ અને ૪૬ સેકન્ડ લે છે.) (ખગોળ.)

ક્રમાંક	વ્યુત્પત્તિ	વ્યાકરણ	અર્થ
1		પુંo	ઢગલો (2) ગણિતનો આંકડો

ક્રમાંક	વ્યુત્પત્તિ	વ્યાકરણ	અર્થ
1		पुं.	ઉત્તરાધિકાર; વારસો.
2		पुं.	કંદમૂળ.
3		पुं.	( ગણિત ) કોઈપણ બૈજિક પદીનો વધતા અથવા ઓછાના ચિહ્નથી જોડાયેલ દરેક ભાગ.
4		पुं.	ગઠ્ઠો; પિંડ.
5		पुं.	ગણિતનો આંકડો; સંખ્યા; રકમ; જમા; `અમાઉંટ`.
6		पुं.	ઢગલો; ઢગ; જથ્થો; સમૂહ.
7		पुं.	બાર સૂચક સાંકેતિક શબ્દ. કેમકે, વાસ્તવિક રીતે રાશિ બાર હોય છે.
8		पुं.	મહુડાંનો ઓછા કસવાળો દારૂ. ખાસ કરીને ૬૦°ના દારૂ માટે કહેવાય છે. રાનીપરજ લોકોમાં આ પ્રમાણે બોલાય છે.
9		पुं.	લકુલેશ પંથના આચાર્યો કે જેઓ યોગાદિ વિદ્યાઓમાં પ્રવીણ હોય તેઓના નામને છેડે લગાડાતો એક શબ્દ. જેમકે, ધર્મરાશિ, વીરભદ્રરાશિ વગેરે.
10		स्त्री.	એક હજાર ચોવીસ રૂપિયાભારનું વજન. ઉપયોગ ચાર આઢકનો એક દ્રોણ ( ૧૦૨૪ રૂપિયાભાર. ) તેનાં કલશ, નલ્વણ, અર્પણ, ઉન્માન, ઘટ અને રાશિ વગેરે નામો છે. – યોગચિંતામણિ
11	[ સં. ]	स्त्री.	( જ્યોતિષ ) ક્રાંતિવૃત્તિના બાર માંહેનો એક ભાગ; તારાપુંજ; સવા બે નક્ષત્રનો ભાગ; નક્ષત્રના બાર માંહેનું પ્રત્યેક ઝૂમખું; તારાઓનો અમુક સમૂહ; ભગણ. સૂર્યની દેખીતી ગતિના બાર માસ ઉપરથી ક્રાંતિવૃત્તના બાર સરખા ભાગ પાડેલા છે. તે દરેક ભાગ ૩૦ અંશનો છે. તેને બાર રાશિ કહેવાય છે. આ રાશિઓનાં નામ સેમેટિક લોકો પાસેથી આર્યોએ લીધાં હોવાનું મનાય છે. મેષ, વૃષભ, મિથુન, કર્ક, સિંહ, કન્યા, તુલા, વૃશ્ર્વિક, ધન, મકર, કુંભ અને મીન એમ બાર રાશિ છે. રાશિનાં નામ કેમ પડ્યાં તે ચોક્કસ કહી શકાતું નથી. પરંતુ તારાઓનાં જાણીતી વસ્તુ કે પ્રાણીનાં નામ આપ્યાં હોય એમ મનાય છે. જેમકે, વૃશ્ર્વિકનો આકાર વીંછીના જેવો, મીનનો આકાર માછલી જેવો, મૃગશીર્ષનો આકાર હરણીના માથા જેવો દેખાય છે. તે પ્રમાણે તેમનાં નામ આપ્યાં છે. બીજા મત પ્રમાણે એ નામો ઋતુને અનુસરીને અપાયાં હોય એમ મનાય છે. વસંત ઋતુની રાશિનાં નામ મેષ, વૃષભ અને મિથુન છે. એ ત્રણે રાશિ એમ સૂચવે છે કે, ઢોર આ ઋતુમાં બચ્ચાંઓને જન્મ આપે છે. કર્ક એવો સમય દર્શાવે છે કે, સૂર્ય વિષુવવૃત્ત તરફ પાછો જાય છે. કેમકે, કરચલાની ગતિ પણ આવા સૂર્યની માફક પાછળપાછળ હોય છે. સિંહ રાશિ ઉનાળાના પ્રખર સૂર્યનું ભાન કરાવે છે. કન્યા રાશિ પાકની કાપણીનો સમય સૂચવે છે. તુલા રાશિ દિવસ અને રાત્રિ સરખાં હોય એવો સમય બતાવે છે. વૃશ્ર્વિક રાશિમાં પેટે ચાલનારાં પ્રાણીઓને ઘમો ઉપદ્રવ હોય તેમ બતાવે છે. ધન રાશિ શિકાર કરવાનો અનુકૂળ સમય દર્શાવે છે. કુંભ રાશિ શિયાળાની વર્ષાઋતુ બતાવે છે. મીન રાશિ માછલાંનો શિકાર કરવાની યોગ્ય ઋતુ બતાવે છે. એક રાશિમાંથી બીજી રાશિમાં જતાં સૂર્યનાં લગભગ એક મહિનો લાગે છે. બાર રાશિમાં સત્તાવીશ નક્ષત્રો સમાયેલાં છે. તે હિસાબે એક રાશિમાં સવા બે નક્ષત્ર આવે. નક્ષત્રના ચાર ભાગને ચાર પાયા અગર ચરણ પણ કહે છે. દરેક રાશિમાં ક્યાં ક્યાં નક્ષત્રો આવે છે તે આ પ્રમાણે છે.
12		स्त्री.	ત્રીશ અંશ જેટલું ગતિ માપવા માટે વપરાતું માન; વલયનો બારમો બાગ. શિલ્પશાસ્ત્રમાં લખે છે કે: @7630-2@
13		स्त्री.	( ગણિત ) પ્રમાણ માંડવાની રીત. જેમકે, ત્રિરાશિ, પંચરાશિ વગેરે.

Support Us

Download APPS

Other Results :

Interactive Games

Play

General Knowledge Quiz

સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.

Play

Ukhana

બાળપણમાં માણેલા અને હવે ભૂલાતં-વિસરાતાં જતાં જ્ઞાન વર્ધક કોયડાઓની રમત એટલે ઉખાણાં

Play

Word Match

મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.

Latest Ebook

આનંંદનું આકાશ – 2

પ્રવૃત્તિ મહત્ત્વની કે પ્રસિદ્ધિ ? સમાજથી ડરવાનું બંધ કરીએ ? જિંદગી સામે ફરિયાદો કરવાનું માંડી વાળીએ ? આપણે ધીરજનો ગુણ ગુમાવી રહ્યા છીએ….. વગેરે જેવા અનેક રસપ્રદ વિષયો ધરાવતી ઈબુક એટલે આનંદનું આકાશ.

આનંદનું આકાશ ભાગ – ૧

જિંદગી ક્યાંથી શરૂ થાય છે ? જીવનમાં આનંદ આપવાથી મળે છે કે મેળવવાથી ? સામાજિક સંબંધો કેટલા ઉપકારક છે ? અણગમો પ્રગટ કરવામાં શુંં આપ શરમ અનુભવો છો ? વગેરે જેવા વિવિધ વિષય વસ્તુઓ ઉપર આધારિત પુસ્તક એટલે આનંદનું આકાશ.

ઉત્તર ગુજરાતમાં બૌદ્ધધર્મ

બૌદ્ધધર્મનો પ્રાદુર્ભાવ પૂર્વ ભારતમાાં થયેલો પણ સમ્રાટ અશોક બૌદધર્મમાં દિક્ષિત થયા અને ભારત તથા ગુજરાતમાાં મૌર્યવંશનું સામ્રાજય સ્થપાયા પછી બૌદ્ધધર્મનો પ્રચાર અને પ્રસાર થયો. એ સમયના અગત્યના નગરો અને કેન્દ્રોમાં બૌદ્ધભિક્ષુઓએ પોતાના થાણા નાખ્યા અને વિહારો, સ્તૂપો તેમ જ મઠો વગેરેની સ્થાપના કરી અને ધર્મના પ્રચાર માટે અથાગ પ્રયત્નો કર્યા.

Recent Blog

માતૃભાષા અને રતિલાલ ચંદરયા

શીખવ્યા વગર જ જે આવડી જાય તે માતૃભાષા. કોઈપણ બાળક જન્મે અને થોડું ઘણું બોલવાનું શીખે ત્યારે એના મોંમાથી પહેલો શબ્દ નીકળે એ હોય છે મા અથવા મમ એટલે કે ખાવાનું. વળી આપણે બાળકને સૂવડાવવા માટે જે ગીત કે હાલરડાં ગાઈએ છીએ તે પણ આપણે ગુજરાતીમાં જ ગાઈએ છીએ અંગ્રેજી ગીતો નથી ગાતા. આમ બાળકને […]

February 20 2024

ઓગણીસ કલ્યાણકો ધરાવતી પાંચ તીર્થંકરોની પરમ પાવન જન્મભૂમિ – અયોધ્યા (Ayodhya)

હિંદુ ધર્મ અને જૈન ધર્મનાં તાણાવાણા એકબીજા સાથે પ્રગાઢ રીતે સંકળાયેલા છે. રામજન્મભૂમિ (Ram Mandir) તરીકે અયોધ્યા (ayodhya) નગરી મહાતીર્થનું ગૌરવ પામી છે, તો એ જ રીતે જૈન ધર્મના ચોવીસ તીર્થંકરોમાંથી પાંચ-પાંચ તીર્થંકરોનો જન્મ આ અયોધ્યાની પાવન ભૂમિ પર થયો છે. જૈન ધર્મમાં ચોવીસ તીર્થંકરોમાંથી પાંચ-પાંચ તીર્થંકરોનાં કલ્યાણકો અહીં આવ્યાં છે. દરેક તીર્થંકરના જીવનની ચ્યવન(માતાના […]

January 19 2024

વહાલી આપણી માતૃભાષા : વિશ્વ માતૃભાષા દિવસ

ભાષાકીય, સાંસ્કૃતિક વૈવિધ્ય અને બહુભાષાવાદની જાગૃતતાને પ્રોત્સાહન આપવા માટે 21મી ફેબ્રુઆરીનો દિવસ “આંતરરાષ્ટ્રીય માતૃભાષા દિન” તરીકે ઊજવવામાં આવે છે. સૌ પ્રથમ યુનેસ્કો દ્વારા 17 નવેમ્બર 1999માં આંતરરાષ્ટ્રીય માતૃભાષા દિનની સત્તાવાર જાહેરાત કરવામાં આવી હતી અને ત્યારથી સમગ્ર વિશ્વમાં 21 ફેબ્રુઆરીની ‘વિશ્વ માતૃભાષા દિવસ’ તરીકે ઉજવવામાં આવે છે