पुं.
સૂર્ય શિશિરના વર્ગની એક પ્રકારની વનસ્પતિ. તેને અંગ્રેજીમાં વેનસ ફલાઈ ટ્રેપ એટલે માખી પકડવાનો સાપલો અથવા જાળ કહે છે. એ ઉત્તર કારોલિનના પૂર્વભાગમાં જ માલૂમ પડે છે. સૂર્યશિશિરની પેઠે, ભીની જમીનમાં તથા વેરાન ભૂમિમાં ઉત્પન્ન થાય છે. એને થડ નથી. પાંદડાં મૂળમાંથી ઉપર આવે છે. પાંદડાં જરા મોટાં તથા પહોળાં હોય છે. દીંટના પછી પાતરું, બીજાં સાધારણ પાતરાંની પેઠે બે ભાગમાં જુદા પડે છે. પાંદડાનો એક ભાગ બીજાની સાથે ઘણું કરીને સરખા ખૂણાથી ઊભો રહે છે. પાંદડાંના ભાગના કિનારા પર કાંટા હોય છે અને તે કાંટા લાંબા ધારવાળા થોડે થોડે છેટે હોય છે. માખીના સાપલામાં જીવડું કે પતંગિયું પડ્યાથી પાતરાના બે ભાગ પણ બંધ થવાની વખતે કિનારા પરના કાંટાઓ બરાબર સૂર્યશિશિરની પેઠે એક પછી એક સંકોચાઈ ને બંધ થાય છે. દરેક પાંદડાના ઉપલા ભાગમાં ત્રણ નાનાં નાનાં કાંટા એવી રીતે ઊઠે છે કે, જો રેખાથી તેઓના મૂળ દેશ કે શિરોદેશ એક બીજાની સાથે સંયોજિત થાય તો એક ત્રિભૂત અંકિત થાય. કાંટો ઇંચના વીસમા ભાગ જેટલો હોય છે. એ કાંટાની સ્પર્શ જીવનશક્તિ બહુ જાગ્રત તથા આશ્ચર્યવાળી હોય છે. અતિ ધીમેથી તથા સહેજે કોઈ એક કાંટાને અડક્યાથી બધાં પાતરાં તરત એક પછી એક બંધ થઈ જાય છે. સૂર્ય શિશિરના કાંટાની પેઠે એના કાંટા નમતા નથી. એને અડક્યાથી જ વીજળીના શક્તિ સંચારની પેઠે, તે સ્પર્શ થતાં જ બધાં પાતરાંનાં શરીરને જાગ્રત અવસ્થામાં લાવે અને પળમાં પાંદડાંના બે ભાગ સૂડીની પેઠે બંધ થઈ જાય છે.
ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.
સ્પર્ધાત્મક પરીક્ષાની તૈયારીમાં મદદરૂપ થતી, સામાન્ય જ્ઞાન વધારતી અને અબાલ-વૃદ્ધ સૌને રમવી પસંદ રમત એટલે જનરલ નોલેજ ક્વિઝ.
કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ