સાદ બેસી જવો = અવાજ ઘોઘરો થઈ જવો. શરદી વગેરેની અસરથી અવાજમાં ફેર પડતાં ઘોઘરું બોલાય છે.

બેઠો ભાવ = જે કીમત પડેલી હોય તે જ વેચાણની કીમત રાખવી તે; ખરીદ કર્યું હોય તે ભાવ.

૧. બેસતી રાશ = મળતાવશેક; બનાવ.
૨. બેસતો પાટો = મેળ; બનાવ; બનતી રાશ.

રંગ બેસવો = (૧) રંગ લાગવો. (૨) સોબતની અસર થવી.

૧. અડંગા-લાંબા ટાંટિયા ઘાલીને-પગ પસારીને બેસવું = (૧) જરૂરની માગણી કરવી. (૨) લાંબા પગ કરી બેસવું.
૨. આવ્યાં મળવા ત્યારે બેસાડ્યાં દળવા = જે કામ માટે આવેલ હોય તેના કરતાં જુદું કામ સોંપવું; ઊલટું થવું.
૩. ખૂણે બેસવું = શોક પાળવો; રાંડવું; વિધવા થવું.
૪. ગાદીએ બેસવું = (૧) રાજાની આણ ફરવી; અમલ ચાલુ થવો. (૨) રાજ્યાભિષેક થવો.
૫. ગાંઠ વાળીને બેસવું = શાંતિથી બેસવું.
૬. ઘર બેસવું = નિઃસંતાન જવું.
૭. ઘેર બેસવું = (૧) ઉદ્યોગ જતો રહેવો; ધંધામાંથી રજા મળવી; બેકાર થવું. (૨) નોકરીમાંથી કાઢી મુકાવું.
૮. ટાંટિયા બેસવા = છેક નિરાશ થઈ જવું.
૯. દાણા બેસવા-બેસી જવા = લાંબા સમયને લીધે અનાજનું સડી જવું.
૧૦. દૂર-વેગળું બેસવું = સ્ત્રીએ રજસ્વલા થવું.
૧૧. નિશાળે બેસવું = ભણવા નિશાળે જવું.
૧૨. પલાંઠી મારીને-વાળીને બેસવું = શાંતિથી બેસવું.
૧૩. બારણે બેસવું = (૧) ઉઘરાણીને માટે તકાદો કરવો; ત્રાગું કરવું. (૨) નિરાધાર થવું; રહેવા ખાવાનો હક્ક કે સાધન જતું રહેવું.
૧૪. બેઠા થવું = (૧) ઊભા થવું; ખડા થવું. (૨) મંદવાડમાંથી સાજા થવું.
૧૫. બેઠાની-બેસવાની ડાળ કાપવી-તોડવી = જે વડે ગુજરાન ચાલતું હોય અથવા જેનો આધાર હોય તે જ મૂર્ખાઈથી હાથે કરીને ગુમાવવું; જીવનનો આધાર ભાંગવો. એક ગામડિયો ઝાડ ઉપર ચડીને જે ડાળીએ બેઠો હતો તે જ ડાળ કાપતો હતો, પણ એનામાં એટલી સમજ ન હતી કે, એમ કરવાથી હું જાતે જ પડી જઈશ અને મને વાગશે. એ ઉપરથી આ પ્રયોગ થયાનું જણાય છે.
૧૬. બેસ બેસ = રાખ રાખ; બંધ કર; જોયું તારૂં ડહાપણ.
૧૭. બેસતાં શીખવું = લપસી પડવું; ચીકણી ભોંય ઉપર પગ ન ઠરતાં સરકી જવો.
૧૮. બેસતો રાજા અને આવતી વહુ = છાપ પડે તો પહેલેથી પડે.
૧૯. બેસવા ઊઠવાની જગા = (૧) દીવાનખાનું. (૨) વાતચીત કરવાનું પાત્ર; મેળાપી માણસ.
૨૦. બેસવા જવું = (૧) ખરખરો કરવા જવું; ઉઠમણે જવું. (૨) નાત જમતી હોય ત્યારે પાટે બેસવા જવું. (૩) મળવા જવું. (૪) સંભોગ કરવો.
૨૧. બેસવાની ડાળ = આધારસ્થાન; આશ્રયનું સ્થાન.
૨૨. બેસવાનું જાણ્યું હતું, પણ ઊંચકવાનું થયું = ધારણા ફળીભૂત ન થવી; કમબખ્તી બેસવી; આબુ લેતાં જાંબુ ગયું; બકરૂં કાઢતાં ઊંટ પેઠું.
૨૩. બેસવાનું મટાડીને ઊભા રહેવાની કરવું = ઊંઘ વેચીને ઉજાગરો લેવો.
૨૪. બેસી પડવું = (૧) ચાલવામાંથી એકદમ થાકીને બેસી જવું. (૨) ધંધામાંથી કે માથે લીધેલ કામમાંથી અધવચ ખસી જવું.
૨૫. બેસી રહેવું = (૧) કાંઈ ઉદ્યમ કે પ્રવૃત્તિ ન કરવાં; નિષ્કર્મ થઈ રહેવું; ધંધાધાપા વગરના રહેવું; આળસુ પડી રહેવું. (૨) પ્રસંગની રાહ જોતા રહેવું; પ્રતીક્ષા કરવી. (૩) મૌન ધારણ કરવું.
૨૬. બેસીએ જોઈ, તો ઉઠાડે નહિ કોઈ = જો માણસ પોતાની જગ્યાએ બેસે, તો કોઈ તેને ખસવાનું કહે નહિ.
૨૭. બેસીને સૂઈ જવું-સૂવું = જોઈ વિચારીને ચાલવું; વિચારીને કરવું; વિચારીને કામ કરવું; સાહસ નહિ કરવું; એકદમ અવિચારે કામ નહિ કરવું.
૨૮. રોજે બેસવું = રોજની મજૂરીથી કામે લાગવું.
૨૯. સામી બાંખરી બાંધી બેસવું = દુશ્મનાવટ ઊભી કરવી; સામા થવું.

બેસી જવું = (૧) ગાલ મળી જવા. (૨) દેવાળું કાઢવું.