જેવી દૃષ્ટિ એવી સૃષ્ટિ

December 11 2019
GL Team

એવું કહેવાય છે કે “જેનો જેવો ધંધો, તેવું તેને દેખાય”. જેમ કે કાપડનો વેપારી કોઈ વ્યક્તિને મળે તો તેની પ્રથમ નજર તેનાં કપડાં પર જતી હોય છે, જૂતાંનો વેપારી પહેલાં બીજાના ચંપલ પર નજર ફેરવતો હોય છે, તે જ રીતે કોઈ મહારાજ જ્યારે કોઈના ઘરે જાય ત્યારે વાસ્તુશાસ્ત્ર જોઈ જ લેતા હોય છે. લોકોને પોતાની સાથે સંલગ્ન હોય એ વસ્તુ સૌપ્રથમ દેખાય છે. એમાંથી અમે પણ બાકાત નથી જ. અમે પણ જ્યારે કોઈ ચીજ, નામ કે સ્થળ જોઈએ તો એ શબ્દનો અર્થ જાણવા અમને વધુ તાલાવેલી રહે છે. જેમ કે, સામાન્ય લોકો માટે ચાર્જર એ અમારા માટે ચાર્જર તો છે જ પરંતુ તે ચાર્જરમાં રહેલા ‘ચાર્જ’ શબ્દના અર્થમાં અમને વધુ રસ છે. ‘ચાર્જ'(english to gujarati) એટલે વીજળીનો પ્રવાહ એ તો બધાને ખબર જ છે પણ ગુજરાતી ભાષામાં પણ ‘ચાર્જ’ શબ્દ છે જેનો અર્થ થાય છે કામકાજનો હવાલો.’ છે ને જાણવાં જેવું અને રસપ્રદ?

ચાલો આજે વારંવાર ઉપયોગમાં લેવાતા કેટલાક એપ્સ/સોફ્ટવેરના નામમાંથી એવા શબ્દ અને તેના ગુજરાતી અર્થ શોધીએ કેમ કે નામ મળી જાય પછી અર્થ માટે તો ગુજરાતીલેક્સિકન મદદ માટે હંમેશા તૈયાર જ બેઠું હોય. જેમ કે,

ગૂગલ ક્રોમ

શબ્દ – ક્રોમ
અર્થ (Gujarati Translation) – ચામડાની એક મુલાયમ પ્રકારની જાત

એડોબ

શબ્દ – ડોબ
અર્થ (Gujarati Translation) – ડૂબકી; ડૂબવું તે.

જીમેલ

શબ્દ – મેલ
અર્થ (Gujarati Translation) – ગંદવાડો, ગંદકી, અંતરનો દ્વેષ, ટપાલ

ઇન્સ્ટાગ્રામ


શબ્દ – ગ્રામ
અર્થ (Gujarati Translation) – ગામ, જથ્થો, તોલનું એક જાતનું અંગ્રેજી માપ

નેટફ્લિક્સ


શબ્દ – નેટ
અર્થ (Gujarati Translation) – નક્કી, ખચીત, ચોક્કસ, બાદ જતા બાકી રહેલું

પેટીએમ


શબ્દ – પેટી
અર્થ (Gujarati Translation) – ચીજવસ્તુ રાખવાનો ઢાંકણવાળો ધાતુ, પ્લાસ્ટિક વગેરેનો ઘાટ

ટીકટોક


શબ્દ – ટીક
અર્થ (Gujarati Translation) – અંબોડો, કલગી, ગળામાં પહેરવાનું સોનાનું એક ઘરેણું

ઉબર


શબ્દ – બર
અર્થ (Gujarati Translation) – જાત, વર્ગ, પ્રકાર, ગુણ

આ તો ફકત થોડાં ઉદાહરણો છે, તમે પણ તમારી આજુબાજુ રહેલા આવા નામમાંથી ગુજરાતી શબ્દ શોધી શકો છો અને તે શબ્દના અર્થ માટે www.gujaratilexicon.com કે ગુજરાતીલેક્સિકનની એપ ડાઉનલોડ કરી તે શબ્દોના gujarati to gujarati (જો ગુજરાતી શબ્દ હોય તો) અને english to gujarati (જો અંગ્રેજી શબ્દ હોય તો) અર્થ શોધી શકો છો.

Most Popular

Interactive Games

Word Match

મગજને કસરત કરાવતી, યાદશક્તિ વધારતી તથા રમત રમતમાં વિરુદ્ધાર્થી કે પર્યાપવાચી શબ્દો શીખવતી રમત એટલે વર્ડ મેચમાં. આ રમતમાં 20 બ્લોક પાછળ 20 શબ્દો છુપાયેલા હશે.

Jumble Fumble

કહેવતના આડા અવળાં ગોઠવાયેલા શબ્દોને યોગ્ય ક્રમમાં ગોઠવી સાચી કહેવત અને તેનો અર્થ જણાવતી રમત એટલે જંબલ ફંબલ

Crossword

ચાની ચૂસકીની લિજ્જત વધારતી આડી ઊભી ચાવીની લોકપ્રિય અને રસપ્રદ રમત એટલે ક્રોસવર્ડ. અહીં તમે તરત જ જવાબ સાચો છે કે ખોટો તે જાણી શકાશે.

Latest Ebook

Recent Blog

Latest Video

પોષ , વદ

જાન્યુઆરી , 2020

11

સોમવાર

20

આજે :
ષટતિલા એકાદશી
વિક્રમ સંવત : 2076

Powered by eSeva

GL Projects