ઝળાહળાનો મોહતાજ નથી
મને મારું અજવાળું પૂરતું છે
અંધારાના વમળને કાપે
કમળ તેજતો સ્ફુરતું છે

ધુમ્મસમાં મને રસ નથી
હું ખુલ્લો અને નિખાલસ છું
પ્રારબ્ધને અહીંયાં ગાઠે કોણ?
હું પડકાર ઝીલનારો માણસ છું

કુંડળીને વળગવું ગમે નહીં
ને ગ્રહો કને શિર નમે નહીં
કાયરોની શતરંજ પર જીવ
સોગઠાબાજી રમે નહીં

હું પોતે જ મારો વંશજ છું
હું પોતે મારો વારસ છું
પ્રારબ્ધને અહીંયાં ગાંઠે કોણ?
હું પડકાર ઝીલનારો માણસ છું

– નરેન્દ્ર મોદી

Honorable Prime Misnister Narendra Modi’s Gujarati poem

આ કાવ્યમાં રહેલા કેટલાક શબ્દનો અર્થ આ મુજબ છે (Gujarati to Gujarati and Gujarati to English Meanings)

પ્રારબ્ધ – સારી રીતે આરંભેલું, અગાઉથી શરૂ કરેલું, નસીબ, ભાગ્ય, દૈવ, begun, commenced. n. fate, destiny.

વમળ – વહેતા પાણીમાં સપાટી ઉપર થતું તે તે કૂંડાળું, ભમરી, ઘૂમરી. (૨) (લા.) મુશ્કેલી. (૩) ગૂંચવણ, મૂંઝવણ, whirlpool, eddy; anxiety; complication

સોગઠાબાજી – સોકટાં વડે રમવાની એક રમત કે તેનું સાધન – સરંજામ, kind of game played with (bell-shaped pieces of wood, etc.)

આવી અન્ય ગુજરાતી કવિતાઓ માણવા અહીં ક્લિક કરો