વા છૂટવો-સરવો = (૧) ગભરાવું; ધાસ્તીનું માર્યું ગાભરું બનવું. (૨) પાદવું; વા છૂટ થવી.

૧. માથામાં વા ભરાવો = મગરૂબ થવું.
૨. વાને ઘોડે ચડવું = ફુલાઈ જવું; મગરૂબ થવું.

૧. વા આવે એમ કરવું = મનમાં આવે તેમ કરવું; ઇચ્છાનુસાર વર્તવું; તરંગવશ વર્તવું.
૨. વા ઉપર જવું = ઘેલછા લાગવી; ઘેલછાવાળું થવું; વાએલ કે ચસકેલ થવું; મગજ ચસકવું.
૩. વા ઘેલું = મનસ્વી.
૪. વાએ ચડવું = (૧) ખીલવું. (૨) જાહેર થવું. (૩) તરંગવશ થવું. (૪) લહેરે ચઢવું; મનસ્વીપણે કામ કર્યે જવું; ઉડેલની પેઠે કામ કરવું; આનંદે ઘૂમવું; કાર્ય કરવું.
૫. વાનો ઘોડા જેવું = તરંગી; ઘડીઘડીમાં વિચાર ફેરવતું.
૬. વાનો ઘોડો = જેવો તરંગ આવે તેવું કરનાર; દૃઢ વિચાર ઉપર નહિ રહી શકે તેવું.
૭. વામાં આવવું = ઘેલછાયુક્ત તરંગમાં આવવું; મિથ્યા મનોરાજ્યમાં મહાલવું; તરંગે ચડવું.

તાવના વા = તાવનો રોગચાળો.

૧. વા કાઢવો-કાઢી નાખવો = (૧) અતિશય કામ કરાવી ઘણું જ થકવી દેવું; અધમૂઉં કરવું. (૨) ખૂબ ધમકાવી હલકું કરવું; ઉતારી પાડવું; માનભંગ કરવું. (૩) માર મારી અધમુઉં કરી નાખવું; પ્રાણવાયુ નીકળી જાય તેવો સખત માર મારવો (૪) રોફ કાઢી નાખવો; ઢીલું ઢસ કરી દેવું.
૨. વા ખાતું = રખડતું.
૩. વા ખાતું કરવું = (૧) અવગણવું; રખડાવવું; ન લેખવવું. (૨) ફાવવા ન દેવું. (૩) સૂકવવા નાખવું; પવન લાગે તેવું કરવું.
૪. વા ખાતું રહેવું = (૧) રખડી પડવું; રખડતું કે ભટકતું રહેવું. (૨) રોજગાર વગેરેને સારુ કોઈના ઉપર આધાર રાખ્યો હોય તેમાં નિષ્ફળ જવું.
૫. વા ખાવો = (૧) અથડાયા કરવું; કામનો પાર ન આવતાં વાર લાગવી. (૨) કામધંધા વિનાનું રહેવું; નિરૂદ્યમી પડી રહેવું. (૩) નહિ અર્થ સરવો. (૪) નિરર્થક પડી રહેવું. (૫) રખડવું.
૬. વા જોઈને વહાણ મૂકવું = મોકો જોઈને કાર્ય સાધવું; વખત જોઈને વાત કરવી.
૭. વા નિકળી જવો = ઘણી મહેનત પડવી; મરી જવા જેવું દુ:ખ થવું. (૨) થાકી જવું; કાયર થઈ જવું. (૩) મરી જવું.
૮. વા ને વંટોળિયા બે ઘડીના = સંકટનો સમય ટૂંકો હોવો; સંકટ અલ્પ સમયમાં પસાર થઈ જવાં.
૯. વા ભરખીને રહેવું = બિલકુલ આહાર ન કરવો; નિરાહારી રહેવું.
૧૦. વા વાવો = (૧) અમુક જાતના વિચાર કે ભાવનાઓની ખૂબ પ્રવૃત્તિ થવી; અફવા ચાલવી; વિચાર કે ભાવનાઓનો જોરથી ફેલાવો થવો. (૨) અસર થવી; ગુણદોષ લાગવો. (૩) ઘેલછા આવવી . (૪) પસરવું. (૫) વાવાઝોડું થવું. (૬) સારી માઠીવાતનો ફેલાવો થવો. (૭) સુખદુ:ખ જોવાં, અનુભવવાં કે ખમવાં.
૧૧. વા સાથે લડે તેવું = સહેજ સહેજમાં લડી ઊઠે તેવા સ્વભાવનું; લડકણું; કજિયાખોર; વગર કારણે બીજા સાથે લડનાર.
૧૨. વા સાથે વાતો કરવી = આપ મેળે કે વગર બોલાવ્યે વાતો કર્યા કરવી; જે કોઈ મળે તેની સાથે વાતો કરવી.
૧૩. વાએ ઊડવું = ફેલાવું; એકથી બીજે કાને, બીજેથી ત્રીજે એમ સર્વત્ર વાત ફેલાવી; પવનની ઝડપે જાહેર થવું કે ફેલાવું.
૧૪. વાએ કમાડ દેવામાં = વાત અંધારામાં જવી; વાત ઊડી જવી.
૧૫. વાએ જવું = (૧) અસભ્ય લોકોની જમાવટ થવી. (૨) ગર્ભ ઊડી જવો; અધૂરે જવું; કસુવાવડ થવી. (૩) રજ ચડી જવું.
૧૬. વાએ વાત જવી = જાહેર થઈ જવું; કશું છાનું ન રહેવું.
૧૭. વાએ વાતું‌ કરવી = વગર ખપનું બોલવું; નકામું બોલ્યા કરવું; વગર કામે બોલ્યા કરવું.
૧૮. વાના ફોફા જેવું = તદૃન સુકલકડી અને નિર્બળ.
૧૯. વાની મારી કોયલ = સહેજે આવી પડેલું; સહેલાઈથી આવી મળેલું. કોઈ વખત આવે નહિ તેવો પરોણો ચડી આવે તેને માટે બોલાય છે.
૨૦. વાનું ફોફું = (૧) વાયુથી શરીર પુષ્ટ થયેલું. (૨) સંગીન નહિ પણ માત્ર પોચું‌ અને જાડું દેખાવમાં જાડું પણ તાકાત વગરનું માણસ.

૧. વા આવવો = (૧) પવન ફરકવો. (૨) વિચારનો જોશ આવવો; તરંગ ચડવો. (૩) સાંધા દુ:ખવા; શરીરમાં વાનું દર્દ થવું.
૨. વા નીકળવો = (૧) વાએ રહી જવું; સાંધા ઝલાઇ જવા. (૨) વાનાં ગૂમડાં થવાં.
૩. વા ફૂંકારવો = જેના ઘરમાં કે કુટુંબમાં સતી થઇ ગયાં હોય તે માણસે કોઈને ચામડી પર થતી પાણી ઝરતી ફોડલીઓ પર પોતાના મોંમાં પાણી ભરી ફૂંક મારવી.
૪. વા લખાવવો = વાના ફોલ્લા મટાડવા મંત્ર લખાવવો.
૫. વાએ રહી જવું = (૧) વાથી સાંધા ઝલાઈ કે અકડાઈ જવા. (૨) વાનાં ગૂમડાં થવાં.

૧. વા કડવું = સહેજ કડવું.
૨. વા તડ = સહેજ તડ.