રાજ્ય કરનાર આદમી (2) રાજાની સંજ્ઞાનું પત્તું (ગંજીફામાં) (3) ભોળો ને ઉદાર સ્વભાવનો માણસ (લા.) (4) મૂર્ખ કે ગાંડો માણસ (લા.)

( જ્યોતિષ ) અઠ્યાસી માંહેનો એ નામનો એક ગ્રહ.

અમુક પ્રજાથી વસાયેલા વિસ્તાર ઉપર અમલ ચલાવનારો પ્રતાપી માણસ; રાજ્ય કરનાર આદમી; અમુક હદવાળા દેશની પ્રજાએ પોતાનું રક્ષણ અને વ્યવસ્થા કરવા માટે ઉપરી સ્થાને અને વ્યસ્થા કરવા માટે ઉપરી સ્થાને પસંદ કરેલો વડો; બાદશાહ; નૃપ; ભૂપ; નરપતિ; ભૂપાળ; મહીપતિ; અધિરાજ. રાજાને રાજા એટલા કારણથી કહેવામાં આવે છે કે, સારો રાજઅમલ ટકાવી રાખીને લોકોનાં મન રંજન કરવાની-તેની ફરજ છે.

ઇંદ્રનું એક નામ.

ઉદાર, ભોળો અને જેને કંઇ કાળજી ન હોય તેવો માણસ; જેને કોઇ વાતની કાળજી ન હોય અને બેદરકાર રહી રાજાની પેઠે પોતાના આનંદમાં રહી મોટી વાતો કરે તેવો માણસ.

( પિંગળ ) એ નામનો એક માત્રામેળ છંદ. તે કાવ્ય છંદનો એક ભેદ છે. તેમાં ૪૨ લઘુ અને ૨૭ ગુરુ મળી ૯૬ માત્રા હોય છે.

એક જાતનો ઘોડો.

કુબેર.

ક્ષત્રિય.

ચંદ્ર.

ધનવાન કે સમૃદ્ધિશાળી પુરુષ.

પૃથનું એક નામ.

પ્રજાસત્તાક રાજ્યનો સભ્ય.

મુખ્ય, શ્રેષ્ઠ અને ખાસ એવી ખાવાની ચીજ.

મૂર્ખ કે સમજણ વગરનો માણસ.

યક્ષ.

યુધિષ્ઠિરનું એક નામ.

રમવાના પાનામાં ચડિયાતું ગંજીફાના રાજાની રંજ્ઞાનું પાનું.

રાજસભાનો સભાસદ.

વરણી કરેલ અધ્યક્ષ.

વર્ગ વિષયમાં સૌથી શ્રેષ્ઠ તે. આ શબ્દ સમાસમાં બીજા શબ્દ સાથે જોડાય છે ત્યારે રાજાનો રાજ શબ્દ થાય છે.

શેતરંજનું મુખ્ય મહોરું.

સરકાર તરફથી અપાતો એક ખિતાબ. તે અંગ્રેજ સરકાર મોટા જાગીરદાર, જમીનદાર, કે કૃપાપાત્રોને આપતા. જેમકે, રાજા રામમોહન રાય, રાજા શિવપ્રસાદ.

સાઠ માંહેનો એક સંવત્સર; જે સંવત્સર નવા વરસને પડવે ચાલતો થાય તે તે વર્ષનો રાજા.

સ્વામી; માલિક; મુખ્યત્યાર; વડો.

કોડીનાર પાસે દરિયામાં થતી એક જાતની માછલી.

ભીલ અને લોહાણાની એ નામની એક અટક.

રાજનીતિ.

એ નામની અટકનું માણસ.

એ નમની અટકનું.