જોગું; લાયક; છાજતું (નામ કે ક્રિયા સાથે નામયોગી અo પેઠે વપરાય છે; જેમ કે, લખવા જોગ (બાબત), ખાવા જોગ (ફળ), તમારા જોગ (કામ)) (2) માટેનું; -ના તરફનું (જેમ કે, શાહ જોગ, નામ જોગ (હૂંડી)) (3) અo પ્રતિ; તરફ (જેમ કે,…..ના તંત્રી જોગ इं. to પેઠે)

અવસર; વખત; સમો; અનુકૂલ કે પ્રતિકૂલ સંજોગોના સંધિથી ઉત્પન્ન થતો કાળ.

ઉપાય; ઇલાજ; સાધન; માર્ગ; સોઇ; જોગવાઇ.

એક જાતનું તાત્ત્વિક દર્શન; યોગ; એ નામનો તત્ત્વજ્ઞાન સંબંધી વિચારોનો એક પ્રકાર; પતંજલિ મુનિએ કાઢેલી જીવેશ્વરનું ઐક્ય સાધવાની એક પદ્ધતિ; પ્રાણવાયુનું રૂધન કરી અંત:કરણની એકાગ્રતા કરી જીવાત્મા અને પરમાત્માનું ઐક્ય કરવું તે.

ખંતથી મથ્યા રહેવું તે; આગ્રહથી અમુક બાબત પકડી તે સિદ્ધ કરવાની ઉમેદથી તેમાં લાગ્યા ને લાગ્યા રહેવું તે; અનુષ્ટાન.

ચિત્તવૃત્તિનો નિરોધ.

જેના ઉપર હૂંડી લખવામાં આવી હોય તે આસામી.

જોડાવું તે; એકઠા થવું કે મળવું તે; મેળાપ; સંગમ; સંજોગ; સંબંધ; સંગતિ; ભેટો.

તાલ; લાગ; પ્રસંગ; તાકડો.

નિયોજન; વિધાન; ન્યાસ; બંદોબસ્ત.

( જ્યોતિષ ) પંચાંગની રીતે અમુક અમુક ગ્રહ નક્ષત્ર વગેરેના સંયોગથી પડતો કે આવતો સારાં માઠાં ફળવાળો કહેવાતો સંધિકાળ; ગ્રહદશા.

બક્ષિશ; લાણું; શીખ.

( જૈન ) મન, વાણી અને કાયાની પ્રવૃત્તિ.

વણાટમાં તાણાના તાર નીચે ઉપર કરીને કરાતી યોજના.

વૈરાગ; સંસારત્યાગ; ભેખ.

( વ્યાકરણ ) વ્યુત્પત્તિ.

સંભોગ.

( જ્યોતિષ ) સૂર્યચંદ્રના રેખાંશ ગણવા સારૂ સૂર્યમાર્ગ અથવા ક્રાંતિવૃત્તના ૩૬૦ અંશનો ૨૭ મો ભાગ.

હિકમત; યુક્તિ; કરામત.

એ નામની મેર લોકોની એક અટક.

( સંગીત ) એક જાતની રાગિણી. તે ગાવાનો વખત અર્ધરાત્રિ પછીનો છે. તેની જાતિ સંપૂર્ણ છે, એટલે ખરજ શુદ્ધ, રિખવ કોમળ, ગાંધાર તીવ્ર, મધ્યમ કોમળ, પંચમ શુદ્ધ, ધૈવત કોમળ, નિખાદ તીવ્ર એ પ્રમાણે સાતે સ્વર આવે છે. આ રાગ પરજ કાલિંગડાને મળતો છે, પરંતુ તેમાં તીવ્ર મધ્યમ આવતો નથી તથા તેના ઢંગમાં ફરક છે.

એ નામની અટકનું માણસ.

એ નામની અટકનું.

દુરસ્ત; માફક.

યોગ્ય; લાયક; ઘટારથ; ઘટતું.

સંભાવિત; પ્રતિષ્ઠિત.

પ્રતિ; તરફ; પ્રત્યે.